ମୁମ୍ବାଇ: ଭାରତର ବିତ୍ତଶାଳୀ ଲିଗ୍ ଆଇପିଏଲକୁ ନେଇ ଲାଗି ରହିଛି କଳ୍ପନା ଜଳ୍ପନା । ଆସନ୍ତା ଅଗଷ୍ଟ 2 ତାରିଖରେ ବସିବାକୁ ଥିବା ଆଇପିଏଲ ପରିଚାଳନା ପରିଷଦ ବୈଠକରେ ଲିଗକୁ ନେଇ ଚୂଡାନ୍ତ ନିଷ୍ପତ୍ତି ନିଆଯିବ । ଅନ୍ୟପଟେ ପ୍ରାଥମିକ ଭାବେ ପ୍ରକାଶ ପାଇଥିବା ଖେଳସୂଚୀରେ ସାମ୍ୟକ ପରିବର୍ତ୍ତନ ହୋଇପାରେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଉଛି ।
ପରିବର୍ତ୍ତନ ହେବ ଆଇପିଏଲ ଫାଇନାଲ ତାରିଖ !
ନଭେମ୍ବର 8 ପରିବର୍ତ୍ତେ ନଭେମ୍ବର 10ରେ ଆଇପିଏଲ ଫାଇନାଲ ଅନୁଷ୍ଠିତ ହେବ ବୋଲି ଚର୍ଚ୍ଚା ହେଉଛି । ତେବେ ଉକ୍ତ ସପ୍ତାହରେ ଦୀପାବଳି ଥିବାରୁ ପ୍ରସାରଣ ସଂସ୍ଥା ଷ୍ଟାର ସ୍ପୋର୍ଟ 8 ତାରିଖରେ ଫାଇନାଲ ପାଇଁ ଅନିଚ୍ଛା ପ୍ରକାଶ କରିଥିବା ଚର୍ଚ୍ଚା ହେଉଛି ।
ପରିବର୍ତ୍ତନ ହୋଇପାରେ ଆଇପିଏଲ ଫାଇନାଲ ତାରିଖ
ସେପ୍ଟେମ୍ବର 19ରୁ ନଭେମ୍ବର 8 ପରିବର୍ତ୍ତେ ନଭେମ୍ବର 10 ଆଇପିଏଲ ଫାଇନାଲ ଅନୁଷ୍ଠିତ ହେବ ବୋଲି ଚର୍ଚ୍ଚା ହେଉଛି । ତେବେ ଉକ୍ତ ସପ୍ତାହରେ ଦୀପାବଳି ଥିବାରୁ ପ୍ରସାରଣ ସଂସ୍ଥା ଷ୍ଟାର ସ୍ପୋର୍ଟ 8 ତାରିଖରେ ଫାଇନାଲ ପାଇଁ ଅନିଚ୍ଛା ପ୍ରକାଶ କରିଥିବା ଚର୍ଚ୍ଚା ହେଉଛି । ଆଉ ଏମିତି ହେଲେ ଆଇପିଏଲ ପରବର୍ତ୍ତି ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳକୁ ୟୁଏଇରୁ ହିଁ ଅଷ୍ଟ୍ରେଲିଆ ଉଡିବାକୁ ପଡିବ । ଯାହା ବିସିସିଆଇ ପାଇଁ ଚିନ୍ତାର କାରଣ ସାଜିଛି ।
ଅନ୍ୟପଟେ ଯଦି ପରିବର୍ତ୍ତିତ ଖେଳସୂଚୀକୁ ଚୂଡାନ୍ତ କରାଯାଉଛି, ତେବେ ଆଇପିଏଲ ଇତିହାସରେ ପ୍ରଥମଥର ପାଇଁ ଫାଇନାଲ ମ୍ୟାଚ ରବିବାର ଖେଳାଯାଇ ପାରିବ ନାହିଁ । କାରଣ ନଭେମ୍ବର 10 ତାରିଖ ମଙ୍ଗଳବାର ରହିଛି ।