ଆଇପିଏଲ 2021: ଏପ୍ରିଲ 1ରେ ଆରସିବି କ୍ୟାମ୍ପରେ ସାମିଲ ହେବେ କୋହଲି

ଇଣ୍ଡିଆନ ପ୍ରିମିୟର ଲିଗର 2021 ସଂସ୍କରଣ ପୂର୍ବରୁ ଏପ୍ରିଲ 1ରେ ଚେନ୍ନାଇରେ ଆରସିବି କ୍ୟାମ୍ପରେ ସାମିଲ ହେବେ କ୍ୟାପଟେନ ବିରାଟ କୋହଲି । ଅଧିକ ପଢନ୍ତୁ...

ନୂଆଦିଲ୍ଲୀ: କ୍ୟାପଟେନ ବିରାଟ କୋହଲି ଖୁବଶୀଘ୍ର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର କ୍ୟାମ୍ପରେ ସାମିଲ ହେବେ । ଇଣ୍ଡିଆନ ପ୍ରିମିୟର ଲିଗର 2021 ସଂସ୍କରଣ ପୂର୍ବରୁ ଏପ୍ରିଲ 1ରେ ଚେନ୍ନାଇରେ ଆରସିବି କ୍ୟାମ୍ପରେ ସାମିଲ ହେବେ କୋହଲି ।

ସୋମବାର ଇଂଲଣ୍ଡ ବିପକ୍ଷ ଦିନିକିଆ ସିରିଜ ପାଇଁ ପୁନେ ଜୈବ ସୁରକ୍ଷା ବଳୟରୁ ବାହାରିଛନ୍ତି କୋହଲି । ଏଥିସହ ଚେନ୍ନାଇରେ ପହଞ୍ଚି ବିସିସିଆଇର ନିୟମ ଅନୁୟାୟୀ 7ଦିନ କ୍ବାରେଣ୍ଟିନରେ ରହିଛନ୍ତି ।

ଆରସିବି ଆଇପିଏଲ 2021ର ଉଦ୍‌ଘାଟନୀ ମ୍ୟାଚ ଖେଳିବ । ଏପ୍ରିଲ 9ରେ ଚେନ୍ନାଇରେ ଡିଫେଣ୍ଡିଂ ଚମ୍ପିଆନ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଅଭିଯାନ ଆରମ୍ଭ କରିବ ।

ବୋଲର ୟୁଜଭେନ୍ଦ୍ର ଚହଲ ଓ ମହମ୍ମଦ ସିରାଜ ସୋମବାର ନ୍ୟାସନାଲ ଡ୍ୟୁଟି ଶେଷ କରି ଆରସିବି କ୍ୟାମ୍ପରେ ଯୋଗ ଦେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ