ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗର 13ତମ ସଂସ୍କରଣ ୟୁଏଇରେ ଚାଲୁରହିଛି । ଟୁର୍ଣ୍ଣାମେଣ୍ଟର ପ୍ରଥମାର୍ଦ୍ଧ ଶେଷ ହୋଇଛି । ଦ୍ବିତୀୟାର୍ଦ୍ଧ ପୂର୍ବରୁ ପ୍ରସ୍ତାବିତ ମିଡ-ସିଜନ ଟ୍ରାନ୍ସଫର ପାଇଁ ଦ୍ବାର ଖୋଲିଛି । ଫଳରେ ଅନ୍ୟ ଟିମରୁ ନୂଆ ନିଯୁକ୍ତି ସହ ନିଜ କ୍ୟାମ୍ପର ଦୁର୍ବଳତା ଦୂର କରିବାକୁ ଅବସର ମିଳିଛି ।
ସମସ୍ତ ଟିମ ଲିଗ ଷ୍ଟେଜର 7ଟି ଲେଖାଏଁ ମ୍ୟାଚ ଖେଳିସାରିଛନ୍ତି । ଫଳରେ ମଙ୍ଗଳବାର ଠାରୁ ପରବର୍ତ୍ତୀ 5 ଦିନ ପର୍ଯ୍ୟନ୍ତ ମିଡ-ସିଜନ ଟ୍ରାନ୍ସଫର ଚାଲୁରହିବ । ପୂର୍ବ ସଂସ୍କରଣରେ କେବଳ ଅନକ୍ୟାପ୍ ଖେଳାଳିଙ୍କ ପାଇଁ ଏହି ସୁବିଧା ଉପଲବ୍ଧ ଥିଲା । ମାତ୍ର କୌଣସି ଫ୍ରାଞ୍ଚାଇଜ ଏହାର ଲାଭ ଉଠାଇନଥିଲେ ।
କଣ ଏହି ମିଡ-ସିଜନ ଟ୍ରାନ୍ସଫର ନିୟମ ?
ଯେଉଁ ଖେଳାଳି ନିଜର ଫ୍ରାଞ୍ଚାଇଜ ପାଇଁ ଆଇପିଏଲ 2020ର ପ୍ରଥମାର୍ଦ୍ଧ ସୁଧା ଦୁଇ କିମ୍ବା କମ ମ୍ୟାଚ ଖେଳିଥିବେ, ବଦଳ ପାଇଁ ଯୋଗ୍ୟ ବିବେଚିତ ହୋଇପାରିବେ । ତେବେ ବଦଳ ସମୟରେ ଉଭୟ ଟିମ ମଧ୍ୟରେ ବଦଳ ଚୁକ୍ତି ନେଇ ପରସ୍ପର ସହମତ ହେବା ଆବଶ୍ୟକ ।
ଖେଳାଳିଙ୍କୁ କେବଳ ରଣ ଆକାରରେ ଅନ୍ୟ ଟିମ ନେଇପାରିବେ, ଏଥିସହ ଟୁର୍ଣ୍ଣାମେଣ୍ଟ ଶେଷରେ ମୂଳ ପ୍ରାଞ୍ଚାଇଜକୁ ଖେଳାଳିଙ୍କୁ ଫେରାଇବାକୁ ହେବ । ମୂଳ ଫ୍ରାଞ୍ଚାଇଜ ଏହି ଚୁକ୍ତି ପାଇଁ ଅର୍ଥ ପାଇବେ । ଋଣ ଅର୍ଥର 50 ପ୍ରତିଶତ ରେଜିଷ୍ଟ୍ରେସନର ପ୍ରଥମ ସାତ ଦିନ ମଧ୍ୟରେ ଦେବାକୁ ହେବ । ବାକି 50 ପ୍ରତିଶତ ଶେଷ ମ୍ୟାଚର ସାତଦିନ ମଧ୍ୟରେ ଦେବାକୁ ହେବ ।
ତେବେ ଏହି ନିୟମର ସବୁଠୁ ମଜାଦାର କଥା ହେଉଛି, ନିଜର ପୂର୍ବ ଟିମ ବିପକ୍ଷରେ ରଣରେ ଆସିଥିବା ଟିମସହ ମ୍ୟାଚ ଥିଲେ ଉକ୍ତ ଖେଳାଳି ଖେଳିପାରିବେ ନାହିଁ ।
ନଜର ପକାନ୍ତୁ ଚଳିତ ଆଇପିଏଲରେ ମିଡ-ସିଜନ ଟ୍ରାନ୍ସଫର ପାଇଁ ଯୋଗ୍ୟ ଖେଳାଳିଙ୍କ ଉପରେ....
ମୁମ୍ବାଇ ଇଣ୍ଡିଆନ୍ସ: ଆଦିତ୍ୟ ତାରେ, ଅଙ୍କୁଲ ରୟ, ମିଚେଲ ମାକଲେଘାନ, କ୍ରିସ ଲିନ, ନାଥନ କୁଲଟର-ନାଇଲ, ସୌରଭ ତିୱାରୀ, ମୋହସିନ ଖାନ, ଦିଗବିଜୟ ଦେଶମୁଖ, ପ୍ରିନ୍ସ ବଲବନ୍ତ ରାଏ, ଧାୱଲ କୁଲକର୍ଣ୍ଣୀ, ଜୟନ୍ତ ଯାଦବ, ସେଫର୍ଣ୍ଣ ରୋଦରଫୋର୍ଡ, ଅନମୋଲପ୍ରିତ ସିଂ