ହାଇଦ୍ରାବାଦ: କୋରୋନା ମହାମାରୀ କାରଣରୁ ଚଳିତବର୍ଷ ଆଇପିଏଲ ୟୁଏଇରେ ଆୟୋଜିତ ହେଉଛି । ଏହି ଲିଗ୍ର ଆରମ୍ଭକୁ ଆଉ ରହିଲା ମାତ୍ର 3ଦିନ । ଏପଟେ ଚଳିତବର୍ଷ ଇଣ୍ଡିଆନ ପ୍ରିମିୟର ଲିଗର 13 ତମ ସଂସ୍କରଣ ପାଇଁ ନୂତନ ଟାଇଟଲ୍ ପ୍ରଯୋଜକ ଡ୍ରିମ୍ 11 ରହିଛି । ଡ୍ରିମ 11 ଏହି ଟି-20 ଲିଗ ସହ ଯୋଡି ହେବା ପରେ ଭାରତୀୟ ଖେଳାଳିଙ୍କ ସହ ପ୍ରଥମ ବିଜ୍ଞପ୍ତି ରିଲିଜ କରିଛି ।
ଆଉ ଏହି ବିଜ୍ଞପ୍ତିରେ ଏମଏସ ଧୋନି, ରୋହିତ ଶର୍ମା, ଶିଖର ଧଓ୍ବନ, ଜସପ୍ରୀତ ବୁମରାହ, ହାର୍ଦ୍ଦିକ ପାଣ୍ଡ୍ୟା ଓ ପନ୍ତ ରହିଛନ୍ତି । ତେବେ ଏହି 45ସେକେଣ୍ଡ ଭିଡିଓରେ କ୍ରିକେଟରମାନେ ଗ୍ରାଉଣ୍ଡରେ ନୁହେଁ, ଏକ ଗଳି ରାସ୍ତାରେ ଖେଳୁଥିବାର ଦେଖିବାକୁ ମିଳିଛି ।