ଚେନ୍ନାଇ: ଆସନ୍ତା 29ରେ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଡିଫେଣ୍ଡିଂ ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ 2020 ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ସିଜିନ୍ ଆରମ୍ଭ କରିବ ଚେନ୍ନାଇ ସୁପର କିଙ୍ଗ୍ସ । ତେବେ ଏହା ପୂର୍ବରୁ ସ୍ଥାନୀୟ ଚେପକ୍ ଗ୍ରାଉଣ୍ଡରେ ଜୋରଦାର ଅଭ୍ୟାସ ଆରମ୍ଭ କରିଛି ଦଳ । ତେବେ ଧୋନି ବ୍ୟାଟରେ କମାଲ ଦେଖାଇଲା ପରେ ଏବେ କିପିଂ ଗ୍ଲୋଭସ ହାତରେ ପିନ୍ଧିଛନ୍ତି ।
ଆଇପିଏଲ 2020: 8 ମାସ ପରେ ପୁଣିଥରେ ଗ୍ଲୋଭସ୍ ପିନ୍ଧିଲେ ଧୋନି ଆଇପିଏଲ 2020: 8 ମାସ ପରେ ପୁଣିଥରେ ଗ୍ଲୋଭସ୍ ପିନ୍ଧିଲେ ଧୋନି ଉଲ୍ଲେଖଯୋଗ୍ୟ, ଧୋନି ଗତ ଜୁଲାଇ 2019 ପରେ କ୍ରିକେଟ ପଡିଆକୁ ଓହ୍ଲାଇବେ । ଆଇସିସି ଦିନିକିଆ ବିଶ୍ବକପ-2019 ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲ ମ୍ୟାଚ ଥିଲା ଧୋନିଙ୍କ ଶେଷ ଅନ୍ତର୍ଜାତୀୟ ମ୍ୟାଚ । ଏହା ପରେ ସେ ଟିମ ଇଣ୍ଡିଆ ସହ କୌଣସି ବି ମ୍ୟାଚ ଖେଳି ନଥିଲେ ।
ତେବେ ଶନିବାର ସିଏସକେର ଅଧିନାୟକ ତଥା ୱିକେଟକିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂ ଧୋନି ଗ୍ଲୋଭସ୍ ପିନ୍ଧି ପଡିଆରେ କିପିଂର ଅଭ୍ୟାସ କରିଥିଲେ । ଯାହାର ଏକ ଫଟୋ ସିଏସକେର ଅଫିସିଆଲ ଟ୍ବିଟର ହ୍ୟାଣ୍ଡଲରେ ଟ୍ବିଟ କରାଯାଇଛି । ତିନିଥର ଆଇପିଏଲ୍ ଚମ୍ପିଆନ୍ ସିଏସକେ କ୍ୟାପ୍ସନରେ ଲେଖିଛି, ‘‘ମୁଁ ବରଫ ଆଖି ଦେଖୁଛି । ’’
ତେବେ ଭାରତୀୟ ଦଳରେ ତାଙ୍କ ଅନୁପସ୍ଥିତିରେ ଋଷବ ପନ୍ତ ଏବଂ କେଏଲ୍ ରାହୁଲ ୱିକେଟ୍ କିପିଂ ଭୂମିକା ଗ୍ରହଣ କରିଛନ୍ତି । ଚଳିତ ବର୍ଷର ଆଇପିଏଲରେ ତାଙ୍କର ପ୍ରଦର୍ଶନ ଆଗାମୀ ଟି -20 ବିଶ୍ୱକପ ପାଇଁ ସେ ଭାରତୀୟ ଦଳରେ ମନୋନୀତ ହେବ କି ନାହିଁ ତାହା ସ୍ଥିର କରିବାରେ ପ୍ରମୁଖ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
