ଦୁବାଇ: ଚଳିତ ଆଇପିଏଲ ସଂସ୍କରଣରେ ସର୍ବାଧିକ ପାୱରପ୍ଲେ ସ୍କୋର ସନରାଇଜର୍ସ ହାଇଦ୍ରାବାଦ ନାମରେ ହୋଇଛି । ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ଦୁଇ ହାଇଦ୍ରାବାଦ ଓପନର ଡେଭିଡ ୱାର୍ଣ୍ଣର ଓ ରିଦ୍ଧିମାନ ଶାହା ବିସ୍ଫୋରକ ବ୍ୟାଟିଂ କରିଛନ୍ତି ।
ଉଭୟଙ୍କ ମଧ୍ୟରେ ପ୍ରଥମ 6 ଓଭରରେ 77 ରନର ପାର୍ଟନରସିପ ହୋଇଛି । ଫଳରେ ଚଳିତ ଆଇପିଏଲ 2020ରେ କୌଣସି ବି ଟିମ ଠାରୁ ଏହା ସର୍ବାଧିକ ପାୱର ପ୍ଲେ ସ୍କୋର ହୋଇଛି ।
ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ରିଦ୍ଧିମାନ ଶାହା, ଦିଲ୍ଲୀ କ୍ୟାପିଟାଲ୍ସର ମୁଖ୍ୟ ବୋଲରଙ୍କୁ ବଡ ସଟ ଖେଳି ମହଙ୍ଗା କରାଇଥିଲେ । ଏହାପରେ ବିସ୍ଫୋରକ ବ୍ୟାଟିଂ ଥମିବାର ନାଁ ନେଇନଥିଲା । ରବିଚନ୍ଦ୍ରନ ଅଶ୍ବିନୀଙ୍କ ଓଭରରେ ଡେଭିଡ ୱାର୍ଣ୍ଣର ମଧ୍ୟ ଜୋରଦାର ପ୍ରହାର କରିଥିଲେ ।
ପାୱର-ପ୍ଲେ ର ଶେଷ ଓଭରରେ ରବାଡାଙ୍କ ଓଭରରେ 22ରନ ସଂଗ୍ରହ କରିଥିଲେ ୱାର୍ଣ୍ଣର । ଏଥିସହ ମାତ୍ର 25 ବଲରୁ ନିଜର ଅର୍ଦ୍ଧଶତକ ପୂରଣ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ