ଦୁବାଇ: ଓପନର ଋତୁରାଜ ଗାଏକ୍ବାଡଙ୍କ ଦମଦାର ଅର୍ଦ୍ଧଶତକ ଓ ରବିନ୍ଦ୍ର ଜାଡେଜାଙ୍କ ବିସ୍ଫୋରକ ବ୍ୟାଟିଂ ବଳରେ ଚେନ୍ନାଇ ସୁପରକିଙ୍ଗ୍ସ କେକେଆରକୁ 6 ଓ୍ବିକେଟରେ ପରାସ୍ତ କରିଛି । ତେବେ ଏହି ମ୍ୟାଚରେ 53ବଲ୍ରେ 72ରନ୍ର ଇଂନିସ ଖେଳିଥିବା ଋତୁରାଜଙ୍କୁ ମ୍ୟାନ ଅଫ ଦି ମ୍ୟାଚ ମିଳିଛି । ଅନ୍ୟପଟେ ସୁପରକିଙ୍ଗ୍ସର ବିଜୟ ଫଳରେ ମୁମ୍ବାଇ ଇଣ୍ଡିଆନ୍ସ ପ୍ରଥମ ଦଳ ଭାବେ ପ୍ଲେଏଫ୍ରେ ସ୍ଥାନ ପକ୍କା କରିଛି ।
ଟସ୍ ଜିତି ଚେନ୍ନାଇ ପ୍ରଥମେ ବୋଲିଂର ନିଷ୍ପତ୍ତି ନେଇଥିଲା । ଫଳରେ କେକେଆର ପ୍ରଥମେ ବ୍ୟାଟିଂ ପାଇଁ ଗ୍ରାଉଣ୍ଡକୁ ଓହ୍ଲାଇଥିଲା । ଦଳ ନିର୍ଦ୍ଧାରିତ ଓଭରରେ 5ଓ୍ବିକେଟ ହରାଇ 172ରନ ହାସଲ କରିଥିଲା । କେକେଆର ପକ୍ଷରୁ ନିତିଶ ରାଣା ସର୍ବାଧିକ 87ରନ(61ବଲ୍, 10ଚୌକା, 4ଛକା) ସଂଗ୍ରହ କରିଥିଲେ । ଶୁଭମନ ଗିଲ 26 ରନ, କ୍ୟାପଟେନ ଇଆନ ମୋର୍ଗାନ 15 ଓ ରିଙ୍କୁ ସିଂ 11 ରନ, ଦିନେଶ କାର୍ତ୍ତିକ 10 ବଲରୁ 3 ଚୌକା ସହାୟତାରେ ଦ୍ରୁତ 21ରନର ଇଂନିସ ଖେଳି କୋଲକାତାର ସ୍କୋର 170 ପାର କରାଇଥିଲେ ।