ହାଇଦ୍ରାବାଦ: ୱେଷ୍ଟଇଣ୍ଡିଜ ସିରିଜ ପରେ ଲମ୍ବା ବ୍ରେକ ନେଇଥିବା ଭାରତୀୟ ଟିମ ଶନିବାର ଠାରୁ ଶ୍ରୀଲଙ୍କା ବିପକ୍ଷରେ ତିନୋଟି ମ୍ୟାଚ ବିଶିଷ୍ଟ ଟି-20 ସିରିଜ ଖେଳିବ । ସିରିଜର ପ୍ରଥମ ମ୍ୟାଚ ଗୌହାଟିର ବାସରପାରା ଷ୍ଟାଡିୟମ ଠାରେ ଖେଳାଯିବ । ଏହି ସହରରେ ନାଗରିକତା ସଂଶୋଧନ ଆଇନକୁ ନେଇ ବିରୋଧ ପ୍ରଦର୍ଶନ ଚାଲିଥିବା ବେଳେ ଏହା ଉପରେ ନଜର ରଖିଛି ବିସିସିଆଇ ଓ ଆସାମ କ୍ରିକେଟ ଆସୋସିଏନ । ଏସିଏ ଅଧ୍ୟକ୍ଷ ରୋମେନ ଦତ୍ତା କହିଛନ୍ତି ଯେ ପରିସ୍ଥିତି ନିୟନ୍ତ୍ରଣରେ ରହିଛି ।
ଦତ୍ତା କହିଛନ୍ତି, ପୋଲିସ ସୁରକ୍ଷାର ଦାୟିତ୍ବ ଖୁବ ଭଲ ଭାବେ ନିଭାଉଛି ଓ ପରିସ୍ଥିତି ନିୟନ୍ତ୍ରଣାଧିନ ରଖିଛି । ସେ କହିଛନ୍ତି ଯେ, ‘ବିରୋଧ ପ୍ରଦର୍ଶନ ଯୋଗୁଁ ସ୍ଥିତି ଖରାପ ଥିଲା କିନ୍ତୁ ବର୍ତ୍ତମାନ ସବୁ ଠିକ ଅଛି । ଆମେ ଷ୍ଟାଡିୟମ ଓ ଉଭୟ ଟିମର ସୁରକ୍ଷା ଦାୟିତ୍ବ ପୋଲିସ ଉପରେ ନ୍ୟସ୍ତ କରିଛୁ।’