ମାଞ୍ଚେଷ୍ଟର: ଅଧୁରା ରହିଗଲା ବିରାଟଙ୍କ ବିଶ୍ବକପ ସ୍ବପ୍ନ । ସଚିନଙ୍କ ରେକର୍ଡ ଭାଙ୍ଗିବାରୁ 27ରନ ଦୂରରେ ରହିଗଲେ ହିଟ୍ ମ୍ୟାନ । ଚୁରମାର ହୋଇଗଲା କୋଟି କୋଟି ଭାରତୀୟଙ୍କ ଆଶା । ବିଶ୍ବକପ ଫାଇନାଲରୁ 18ରନ ଦୂରରେ ରହିଗଲା ଭାରତୀୟ ଦଳ । ସମ୍ଭବତଃ ଧୋନିଙ୍କ ଫ୍ୟାରୱେଲ ହୋଇଗଲା ଧୁଳିସାତ୍ । ମ୍ୟାଚ ପ୍ରଥମ ଦଳ ଭାବେ ବିଶ୍ବକପ ଫାଇନାଲରେ ପହଁଚିଗଲା ନ୍ୟୁଜିଲାଣ୍ଡ । ମ୍ୟାଚର ମୋଡ ବଦଳାଇଦେଲା ଧୋନିଙ୍କ ରନ ଆଉଟ ।
ଦୁଇ ଦିନିଆ ସେମି ଲଢେଇରେ ପ୍ରଥମ ଦିନ ବୋଲର ନିଜ କାମ କରି ଦେଖାଇ ଦେଲେ । ମାତ୍ର ରିଜର୍ଭ ଡେରେ କିଛି କମାଲ କରି ପାରିଲେନି ଭାରତୀୟ ବ୍ୟାଟ୍ସମ୍ୟାନ । 5ରନରେ ଟପ ଅର୍ଡର ଫେଲ । 100ରନ ପୂର୍ବରୁ ମଧ୍ୟକ୍ରମ ଟଳମଳ । ଯଦିଓ ଧୋନି-ଜାଡେଜାଙ୍କ ଲଢୁଆ ପାଳି ଦଳକୁ ବିଜୟ ଆଡକୁ ଅଗ୍ରସର କରିଥିଲା । ମାତ୍ର ମ୍ୟାଚର ମୋଡ ବଦଳାଇଦେଲା ଧୋନିଙ୍କ ରନ ଆଉଟ । ତେବେ ମ୍ୟାଚ ଦୋହରାଇ ଦେଲା 2015 ବିଶ୍ବକପର ସୃତି । ସେହିପରି 2015 ପରେ 2ୟ ଥର ପାଇଁ ଫାଇନାଲରେ ପ୍ରବେଶ କିୱି ଦଳ ।