ଦୁବାଇ: ପ୍ରକାଶ ପାଇଛି ଆଇସିସି ମାନ୍ୟତା । କୋରୋନା ମହାମାରୀ ଯୋଗୁଁ ବେଶ କିଛି ସମୟ ପଡିଆରେ ନଜର ଆସିନଥିଲେ ମଧ୍ୟ, ସଦ୍ୟ ପ୍ରକାଶିତ ଆଇସିସି ଦିନିକିଆ ମାନ୍ୟତାରେ ବ୍ୟାଟ୍ସମ୍ୟାନ ତାଲିକାରେ ଶୀର୍ଷ ସ୍ଥାନ ବଜାୟ ରଖିଛନ୍ତି ବିରାଟ କୋହଲି । କୋହଲି 871 ପଏଣ୍ଟ ସହ ତାଲିକାର ପ୍ରଥମ ସ୍ଥାନରେ ରହିଛନ୍ତି । ଏଥିସହିତ ଦ୍ୱିତୀୟ ସ୍ଥାନରେ 855 ପଏଣ୍ଟ ସହ ରୋହିତ ଶର୍ମା ରହିଛନ୍ତି ।
ଅନ୍ୟପଟେ ଇଂଲଣ୍ଡ ବ୍ୟାଟ୍ସମ୍ୟାନ ଜନ୍ନି ବେୟାରଷ୍ଟୋ ଶ୍ରେଷ୍ଠ 10 ବ୍ୟାଟ୍ସମ୍ୟାନ ତାଲିକା ମଧ୍ୟରେ ପହଞ୍ଚିଛନ୍ତି । ଅଷ୍ଟ୍ରେଲିଆ ବିପକ୍ଷ ସଦ୍ୟ ସମାପ୍ତ ଦିନିକିଆରେ ସିରିଜରେ ବେୟାରଷ୍ଟୋ ଦମଦାର ପ୍ରଦର୍ଶନ କରିବା ସହ 196 ରନ ସଂଗ୍ରହ କରିଥିଲେ ।