ମୁମ୍ବାଇ: ଭାରତର ମହାନ କ୍ରିକେଟର ସଚିନ ତେନ୍ଦୁଲକର ବୁଧବାର ଦିନ ବୁଶଫାୟାର କ୍ରିକେଟ ବାଶ ମ୍ୟାଚକୁ ନେଇ ଟ୍ବିଟ କରିଛନ୍ତି । ସେ ଆଶା ରଖିଛନ୍ତି ଯେ, କ୍ରିକେଟ ବାଶ ମ୍ୟାଚରୁ ଅଷ୍ଟ୍ରେଲିଆ ଅଗ୍ନିକାଣ୍ଡରେ ପ୍ରଭାବିତ ଲୋକଙ୍କୁ ସାହାଯ୍ୟ ମିଳିବ । ସୂଚନାଥାଉକି, ସଚିନ ବୁଶଫାୟର କ୍ରିକେଟ ବେଶ ମ୍ୟାଚର ପଣ୍ଟିଂ ଏକାଦଶର କୋଚ ଦାୟିତ୍ବ ତୁଲାଇବେ ।
ତେବେ ଏହି ଚ୍ୟାରିଟି କ୍ରିକେଟ ମ୍ୟାଚରୁ ଯେଉଁ ଅର୍ଥ ମିଳିବ ସେହି ଅର୍ଥକୁ ଅଗ୍ନିକାଣ୍ଡ ପ୍ରୀପିଡିତଙ୍କୁ ସାହାଯ୍ୟ କରାଯିବ । ତେବେ ଏହି ମ୍ୟାଚ ଆସନ୍ତା ମାସ 8 ଫେବୃଆରୀରେ ଖେଳାଯିବ ।
ପଣ୍ଟିଂ ଏକ ଟ୍ବିଟରେ ସଚିନଙ୍କୁ ଟ୍ୟାଗ କରି ଲେଖିଛନ୍ତି ଯେ, ବୁଶପାୟର କ୍ରିକେଟ ବାଶରେ ସଚିନ ତେନ୍ଦୁଲକର ଉପସ୍ଥିତ ହେବା ବହୁତ ଭଲ କଥା । ସେ ନିଜର ଗୁରୁତ୍ବପୂର୍ଣ୍ଣ ସମୟରୁ ସମୟ ବାହର କରିଛନ୍ତି । କୋଚିଙ୍ଗ ଦେବା ଲାଗି ସେ ସଠିକ୍ ଦଳ ବାଛିଛନ୍ତି ।
ତେବେ ଏହି ଟ୍ବିଟର ରିଟ୍ବିଟ କରି ସଚିନ କହିଛନ୍ତି ଯେ, ମୋ ସାଙ୍ଗ ମୁଁ ସଠିକ୍ ଟିମ୍ ସଠିକ୍ କାରଣ ବାଛିଛି । ଆଶା କରୁଛି ବୁଶଫାୟର କ୍ରିକେଟ ବାଶ ଯୋଗୁଁ ଅଗ୍ନିକାଣ୍ଡରେ ପ୍ରୀପୀଡିତଙ୍କୁ କିଛିଟା ସାହାଯ୍ୟ ମିଳିବ । ସୂଚନାଥାଉକି, ଏହି ଚ୍ୟାରିଟି ମ୍ୟାଚର ନାଁ ଅଲ୍-ଷ୍ଟାର ଟି-20 ମ୍ୟାଚ ଦିଆଯାଇଛି ।
