ହାଇଦ୍ରାବାଦ: ଭେଟେରାନ ଭାରତୀୟ ସ୍ପିନର ହରଭଜନ ସିଂ ସୋମବାର କହିଛନ୍ତି ଯେ ରବିଚନ୍ଦ୍ରନ ଅଶ୍ବିନ ବର୍ତ୍ତମାନ ବିଶ୍ବର ଶ୍ରେଷ୍ଠ ଅଫ୍ ସ୍ପିନର । କିଛି ବର୍ଷ ପୂର୍ବେ ଭାରତ ଦଳରେ ଏକାକୀ ସ୍ପିନର ସ୍ଥାନ ପାଇଁ ହରଭଜନ ଏବଂ ଅଶ୍ବିନଙ୍କ ମଧ୍ୟରେ ପ୍ରତିଦ୍ବନ୍ଦିତା ଥିଲା। କିନ୍ତୁ ତାଙ୍କ ଇନଷ୍ଟାଗ୍ରାମ ଲାଇଭ ଚାଟ୍ ସୋରେ ଅଶ୍ବିନଙ୍କ ସହ କଥାବାର୍ତ୍ତା କରି ହରଭଜନ କହିଛନ୍ତି ଯେ ତାମିଲନାଡୁର ଏହି କ୍ରିକେଟରଙ୍କ ପ୍ରତି ତାଙ୍କର କୌଣସି ନକାରାତ୍ମକ ଭାବନା ନାହିଁ ।
“ଅନେକ ଲୋକ କହିବେ ଯେ ଆମ ମଧ୍ୟରେ ବହୁତ ଇର୍ଷା ଅଛି । କିନ୍ତୁ ମୁଁ ସେମିତି ଲୋକଙ୍କୁ କହିବାକୁ ଚାହେଁ ଯେ ମୋ ମନରେ ସେମିତି କୌଣସି ଭାବନା ନାହିଁ,’’ ବୋଲି 39 ବର୍ଷିୟ ଭଜ୍ଜି କହିଛନ୍ତି ।
ଭଜ୍ଜି ଆହୁରି ମଧ୍ୟ ଅଶ୍ବିନଙ୍କୁ “ଲିଜେଣ୍ଡ ଇନ ମେକିଙ୍ଗ (legend in the making)” ବୋଲି କହିଛନ୍ତି । ଅଶ୍ବିନ ବର୍ତ୍ତମାନ ଦୁନିଆର ସର୍ବୋତ୍ତମ ଅଫ ସ୍ପିନର । ନାଥନ ଲେୟନଙ୍କୁ ମଧ୍ୟ ମୁଁ ପରିଗଣିତ କରିବି ଶ୍ରେଷ୍ଠ ସ୍ପିନର ଭାବେ ।’’