ରାୟପୁର: କ୍ରିକେଟ ଇତିହାସରେ 100ତମ ଶତକ ପୂରଣ କରିଥିଲେ କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର। ଏହି କୀର୍ତ୍ତିମାନକୁ 9 ବର୍ଷ ପୂର୍ତ୍ତି ହୋଇଛି। ଏହାକୁ ନେଇ ଏହି ମହାନ କ୍ରିକେଟରଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି। 2012 ମସିହା ଏସିଆ କପରେ ବାଂଲାଦେଶ ବିପକ୍ଷରେ ସେ ନିଜର 100ତମ ଶତକ ହାସଲ କରିବାରେ ସକ୍ଷମ ହୋଇଥିଲେ। ଶେର-ଏ-ବାଂଲା ଷ୍ଟାଡିୟମରେ ଏହି ମ୍ୟାଚ ଖେଳାଯାଇଥିଲା।
ପୂର୍ବତନ ଭାରତୀୟ ଅଲରାଉଣ୍ଡର ଇର୍ଫାନ ପଠାନ ସଚିନ ତେନ୍ଦୁଲକରଙ୍କ ସହ ଏକ ଫଟୋ ସେୟାର କରି ଲେଖିଛନ୍ତି ଯେ, "ସଚିନ ପାଜୀ ଯେତେବେଳେ ଏହି ସମୟରେ ବ୍ୟାଟିଂ କରୁଥିଲେ ମୁଁ ଟିଭିରେ ତାଙ୍କର ଏହି ଇନିଂସ ଦେଖିଥିଲି। ଏହି ଦିନରେ ନିଜର 100ତମ ଶତକ ହାସଲ କରିଥିଲେ ସଚିନ ତେନ୍ଦୁଲକର।"