ବିଶ୍ବକପ: ଚାଲିଛି ଭାରତ-ପାକ ଲଢେଇ, ଉତ୍ସାହିତ କ୍ରିକେଟ ପ୍ରେମୀ

ଆରମ୍ଭ ହୋଇଯାରିଛି ବିଶ୍ବକପରେ ଭାରତ-ପାକିସ୍ତାନ ମହାଲଢେଇ । ତେବେ ଏହି ବହୁପ୍ରତୀକ୍ଷିତ ମ୍ୟାଚକୁ ନେଇ କଟକରେ ଉତ୍ସାହିତ କ୍ରୀଡା ପ୍ରେମୀ ।

କଟକ: ଆରମ୍ଭ ହୋଇଯାରିଛି ବିଶ୍ବକପରେ ଭାରତ-ପାକିସ୍ତାନ ମହା ଲଢେଇ । ଭାରତୀୟ ସମୟ 3ଟାରୁ ମ୍ୟାଚ ଆରମ୍ଭ ହୋଇଛି । ଟସ ହାରି ବ୍ୟାଟିଂ ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରୁଛି ଭାରତ । ତେବେ ଏହି ବହୁପ୍ରତିକ୍ଷୀତ ମ୍ୟାଚକୁ ନେଇ କଟକରେ ଉତ୍ସାହିତ କ୍ରୀଡା ପ୍ରେମୀ । ଆମ କଟକ ପ୍ରତିନିଧି ସେମାନଙ୍କଠୁ ପଚାରି ବୁଝିଥିଲେ ମ୍ୟାଚକୁ ନେଇ କଣ ରହିଛି ସେମାନଙ୍କର ମତାମତ ।

ଇତିହାସ ଦେଖିଲେ ବିଶ୍ୱକପରେ ଟିମ ଇଣ୍ଡିଆ ପାକିସ୍ତାନ ବିପକ୍ଷରେ 6ଟି ମ୍ୟାଚ ଖେଳିସାରିଛି । ଯେଉଁଥିରେ ଗୋଟେ ହେଲେ ବି ମ୍ୟାଚରେ ହାରିନି ଟିମ ଇଣ୍ଡିଆ । ଯଦି କହିବା 1999 ମସିହାରେ ଏହି ମଞ୍ଚେଷ୍ଟାର ପିଚରେ ପାକିସ୍ତାନକୁ 47 ରନରେ ମାତ ଦେଇଥିଲା ଟିମ ଇଣ୍ଡିଆ । ତେବେ ଦେଖିବାକୁ ବାକି ରହିଲା ଏହି ହାଇଭୋଲ୍ଟେଜ ମ୍ୟାଚରେ କିଏ ମାରିବ ବିଜି ?

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ