କରାଚି: ଦୀର୍ଘ 16 ବର୍ଷ ପରେ ପାକିସ୍ତାନ ଗସ୍ତ କରିବ ଇଂଲଣ୍ଡ କ୍ରିକେଟ ଟିମ । ଏ ନେଇ ଘୋଷଣା କରିଛି ଇଂଲଣ୍ଡ ଏଣ୍ଡ ୱେଲସ କ୍ରିକେଟ ବୋର୍ଡ (ଇସିବି) ଓ ପାକିସ୍ତାନ କ୍ରିକେଟ ବୋର୍ଡ (ପିସିବି) ସହମତି ପ୍ରକାଶ କରିଛନ୍ତି । 2021 ଅକ୍ଟୋବରରେ ପାକିସ୍ତାନ ଗସ୍ତ କରି ଇଂଲଣ୍ଡ କ୍ରିକେଟ ଟିମ 2ଟି ଟି20 ମ୍ୟାଚ ଖେଳିବ ।
ପାକିସ୍ତାନ କ୍ରିକେଟ ବୋର୍ଡର କାର୍ଯ୍ୟକାରୀ ମୁଖ୍ୟ ୱାସିମ ଖାନ କହିଛନ୍ତି ଖୁସିର କଥା ଆସନ୍ତା ବର୍ଷ ଅର୍ଥାତ 2021 ଅକ୍ଟୋବରରେ ଇଂଲଣ୍ଡ କ୍ରିକେଟ ଟିମ ପାକିସ୍ତାନ ଗସ୍ତ କରି 2 ଟି20 ମ୍ୟାଚ ଖେଳିବା ପାଇଁ ସହମତି ପ୍ରକାଶ କରିଛି । ଯାହାକି ପାକିସ୍ତାନରେ ଦୀର୍ଘ 16 ବର୍ଷ ପରେ ଇଂଲଣ୍ଡ କ୍ରିକେଟ ଟିମ ପହଞ୍ଚିବ ବୋଲି କହିଛନ୍ତି । ଆସନ୍ତା ବର୍ଷ ତଥା 2021 ଅକ୍ଟୋବରରେ 14 ଓ 15ରେ ପାକିସ୍ତାନ ଗସ୍ତ କରି ଇଂଲଣ୍ଡ କ୍ରିକେଟ ଟିମ 2 ଟି20 ମ୍ୟାଚ ଖେଳିବ । ଏହାପରେ ଦୁଇ ଟିମ ଭାରତରେ ଅନୁଷ୍ଠିତ ହେବାକୁ ଥିବା ଟି20 ବିଶ୍ବକପ 2021ରେ ଯୋଗ ଦେବା ପାଇଁ ଭାରତ ପହଞ୍ଚିବେ ।