ଲଣ୍ଡନ: ନିର୍ଦ୍ଧାରିତ ସମୟର 30 ମିନିଟ ପୂର୍ବରୁ ଖେଳାଯିବ ଇଂଲଣ୍ଡ-ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ତୃତୀୟ ଟେଷ୍ଟ । ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି), ମ୍ୟାଚ ରେଫ୍ରୀ କ୍ରିସ ବ୍ରଡ, ପ୍ରସାରଣକାରୀ ସଂସ୍ଥା, ଓ ଇଂଲଣ୍ଡ-ୱେଲ୍ସ କ୍ରିକେଟ ବୋର୍ଡ ଏଥିପାଇଁ ସହମତି ପ୍ରକାଶ କରିଛନ୍ତି ।
ଅଗଷ୍ଟ 21ରୁ ଏଜେସ ବାୱଲ ସାଉଥାମ୍ପଟନରେ ଇଂଲଣ୍ଡ ଓ ପାକିସ୍ତାନ ମଧ୍ୟରେ 3ୟ ମ୍ୟାଚ ବିଶିଷ୍ଟ ଟେଷ୍ଟ ସରିଜର ତୃତୀୟ ତଥା ଅନ୍ତିମ ଟେଷ୍ଟ ଆରମ୍ଭ ହେବ । ପ୍ରଥମ ଟେଷ୍ଟରେ ଇଂଲଣ୍ଡ ବିଜୟୀ ହୋଇ ସିରିଜରେ 1-0ରେ ଅଗ୍ରଣୀ ରହିଛି । ଦ୍ବିତୀୟ ଟେଷ୍ଟରେ ବର୍ଷା ବାଧକ ସାଜିବାରୁ ଡ୍ରରେ ଶେଷ ହୋଇଥିଲା ।