ବିଶ୍ବକପ: ଭାରତକୁ ପ୍ରଥମ ସଫଳତା ଦେଲେ ବୁମରା

ଟସ୍‌ ହାରି ପ୍ରଥମେ ବୋଲିଂ କରୁଛି ବିରାଟ ବାହିନୀ । ଟସ୍‌ ହାରିବା ଫଳରେ ଦଳକୁ ଝଟକା ଲାଗିଥିଲେ ସୁଦ୍ଧା ଦଳର ପେସ୍‌ଷ୍ଟାର ଦଳକୁ ପ୍ରଥମ ସଫଳତା ଆଣି ଦେଇଛନ୍ତି ।

ମାଞ୍ଚେଷ୍ଟାର: ଟସ୍‌ ହାରି ପ୍ରଥମେ ବୋଲିଂ କରୁଛି ବିରାଟ ବାହିନୀ । ଟସ୍‌ ହାରିବା ଫଳରେ ଦଳକୁ ଝଟକା ଲାଗିଥିଲେ ସୁଦ୍ଧା ଦଳର ପେସ୍‌ଷ୍ଟାର ଦଳକୁ ପ୍ରଥମ ସଫଳତା ଆଣି ଦେଇଛନ୍ତି । କିୱି ଦଳର ଓପନର ମାର୍ଟନ ଗୁପ୍ଟିଲ(1)ଙ୍କୁ ପାଭେଲିଅନ ପଠାଇ ଦେଇଛନ୍ତି ଜସପ୍ରିତ୍‌ ବୁମରା ।

ତେବେ ବୁମରାଙ୍କ ବଲରେ ଏକ ବଡ ଶର୍ଟ ଖେଳିବା ପ୍ରୟାସରେ କୋହଲିଙ୍କୁ କ୍ୟାଚ ଦେଇ ବସିଥିଲେ ଗପ୍ଟିଲ । ରିପୋର୍ଟ ଲେଖା ଯିବା ସୁଦ୍ଧା ନ୍ୟୁଜିଲ୍ୟାଣ୍ଡ୍ 9 ଓଭରରେ 1 ୱିକେଟ୍ ହରାଇ 27 ରନ୍ କରିଛି।

ଏହି ମ୍ୟାଚରେ ଉଭୟ ଦଳରେ ଗୋଟିଏ ଲେଖାଏ ପରିବର୍ତ୍ତନ କରାଯାଇଛି । ଭାରତୀୟ ଦଳରେ କୁଲଦୀପ ଯାଦବଙ୍କ ସ୍ଥାନରେ ୟୁଜବେନ୍ଦ୍ର ଚହଲ୍ ଏବଂ କିୱି ଟିମରେ ଟିମ୍ ସାଉଦିଙ୍କ ସ୍ଥାନରେ ଲକି ଫର୍ଗୁସନ୍ ଖେଳୁଛନ୍ତି ।