ଆବୁଧାବି: ଆଜି ଆଇପିଏଲର 2ୟ କ୍ବାଲିଫାୟର ମ୍ୟାଚ । ଦିଲ୍ଲୀ ଆଗରେ ହାଇଦ୍ରାବାଦ ଚାଲେଞ୍ଜ । ତେବେ ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲା ଦିଲ୍ଲୀ କ୍ୟାପିଟାଲ୍ସ । ତେବେ ନିର୍ଦ୍ଧାରିତ ଓଭରରେ 3ଓ୍ବିକେଟ ହରାଇ 189ରନ୍ ସଂଗ୍ରହ କରିଛି ଦିଲ୍ଲୀ ।
ଦଳପକ୍ଷରୁ ମଜବୁତ ଓପୋନିଂ ଆରମ୍ଭ କରିଥିଲେ ମାର୍କସ ଷ୍ଟୋଇନିସ ଓ ଶିଖର ଧୱନ । 88ରନ୍ର ପାର୍ଟନରସିପ ଇଂନିସ ଖେଳିଥିଲେ । ଷ୍ଟୋଇନିସ 38ରନ୍(27 ବଲ୍, 5ଚୌକା, 1ଛକା) କରି ରସିଦ ଖାନଙ୍କ ବଲ୍ରେ ଆଉଟ ହୋଇଥିଲେ । ଏହାପରେ ଫିଲ୍ଡକୁ ଓହ୍ଲାଇଥିଲେ ଶ୍ରେୟାସ ଆୟର । ସେ 21ରନ୍ କରି ହୋଲ୍ଡରଙ୍କ ଶୀକାର ହୋଇଥିଲେ । 18.3 ଓଭରରେ ଶିଖର ଧୱନ 78ରନ୍(50ବଲ୍, 6ଚୌକା, 2ଛକା) କରି ଆଉଟ ହୋଇଥିଲେ । ତେବେ ଶିମ୍ରନ୍ ହେଟମିୟର 22ବଲ୍ରେ 42ରନ୍ର ଅପରାଜିତ ଇଂନିସ ଖେଳି ସ୍କୋରକୁ 189ରେ ପହଞ୍ଚାଇଥିଲେ ।