ହାଇଦ୍ରାବାଦ: ପୂର୍ବତନ ଅଷ୍ଟ୍ରେଲିଆ ଖେଳାଳି ଡାମିଏନ ମାର୍ଟିନ ମଙ୍ଗଳବାର ମହାନ ଖେଳାଳି ଏମଏସ ଧୋନିଙ୍କ ସରହ ଏକ ଫଟୋ ନିଜ ଟ୍ବିଟରରେ ସେୟାର କରିଛନ୍ତି । ଏଥିରେ ମାର୍ଟିନ ଧୋନିଙ୍କ ସହ ଏକ ଚ୍ୟାରିଟି ପାଇଁ ଖେଳିଥିବା କଥା ଉଲ୍ଲେଖ କରିଛନ୍ତି ।
ମାର୍ଟିନ ଟ୍ବିଟ କରି ଲେଖିଛନ୍ତି ଯେ, ‘ପୁରୁଣା ଫଟୋ ଥିମକୁ ନଜରରେ ରଖି ଅତୀତର କିଛି ସ୍ମୃତି । କିଛିବର୍ଷ ପୂର୍ବେ ମହାନ ଖେଳାଳି ଧୋନିଙ୍କ ସହ ଏକାଠି ଗୋଟିଏ ଟିମରେ ଖେଳିବାର ଏ ହେଉଛି
ତାର ପ୍ରତିଛବି । ୟୁକେରେ ଖେଳାଯାଇଥିବା ଚ୍ୟାରିଟି ଖେଳ । ଯେଉଁଥିରେ ସବୁଥର ପରି ଧୋନି ଆମକୁ ବିଜୟ ରେଖା ପାରି କରାଇଥିଲେ ।’ ( Keeping in theme with old photos dug up from the past. This was a highlight a few years ago meeting & playing in the same team as the great man himself Dhoni... Charity game in the UK.. He got us over the line as usual. #champion #MSDhoni #cricket #india #bigbats )
67ଟି ଟେଷ୍ଟ, 208ଟି ଏକଦିବସୀୟ ଓ 4ଟି ଟି-20 ମ୍ୟାଚ ଖେଳିଥିବା ଡାମିଏନ ମାର୍ଟିନ 2006 ମସିହାରେ ଅନ୍ତରାଷ୍ଟ୍ରୀୟ କ୍ରିକେଟରୁ ଅବସର ନେଇଥିଲେ ।
ସାରା ବିଶ୍ବର ଖେଳାଳି ଏବେ ସୋସିଆଲ ମିଡିଆରେ ପୁରୁଣା ଫଟୋ ସବୁ ସେୟାର କରି ପୁରୁଣା ଦିନ ମନେ ପକାଉଛନ୍ତି । କୋରୋନା ମହାମାରୀ ଯୋଗୁଁ ଚଳିତ ବର୍ଷର ସମ୍ପୂର୍ଣ୍ଣ ସ୍ପୋର୍ଟ୍ସ କ୍ୟାଲେଣ୍ଡରେ ବିଭ୍ରାଟ ହୋଇଛି ।
