ନୂଆଦିଲ୍ଲୀ: ପ୍ରଥମ ସନ୍ତାନର ମାତାପିତା ହେବାକୁ ଯାଉଛନ୍ତି ଚର୍ଚ୍ଚିତ ତାରକା ଯୋଡି ବିରୁଷ୍କା । ସେଥିପାଇଁ ଟିମ ଇଣ୍ଡିଆ କ୍ୟାପେଟନ ବିରାଟ କୋହଲି ଓ ପତ୍ନୀ ଅନୁଷ୍କା ଶର୍ମାଙ୍କୁ ଅଭିନନ୍ଦନ ଜଣାଇଛନ୍ତି ଭାରତୀୟ କ୍ରିକେଟ ଜଗତ ।
ପତ୍ନୀ ଅନୁଷ୍କାଙ୍କ ସହ ଏକ ଫଟୋ ସେୟାର କରିବା ସହ କୋହଲି, ଟ୍ବିଟର ଆକାଉଣ୍ଟରେ ଜାନୁଆରୀ 2021ରେ ପ୍ରଥମ ସନ୍ତାନକୁ ସ୍ବାଗତ କରିବାକୁ ଅପେକ୍ଷା କରିଥିବା ଘୋଷଣା କରିଛନ୍ତି । ଫଳରେ କୋହଲିଙ୍କ ଧର୍ମପତ୍ନୀ ଅନୁଷ୍କା 4 ମାସର ଗର୍ଭବତୀ ଥିବା ଜଣାପଡିଛି ।
ଏହା ଜାଣିବା ପରେ ସାଥି ଖେଳାଳି, ଶିଖର ଧାୱନ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ଟର୍ବୋନେଟର ହରଭଜନ ସିଂ, ଇଶାନ୍ତ ଶର୍ମା ଓ ସ୍ପିନର ୟୁଜଭେନ୍ଦ୍ର ଚହଲ ଶୁଭେଚ୍ଛା ଜଣାଇଛନ୍ତି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ମଧ୍ୟ କ୍ୟାପଟେନ କୋହଲିଙ୍କୁ ଅଭିନନ୍ଦନ ଜଣାଇଛି ।
କୋହଲିଙ୍କ ଆଇପିଏଲ ଫ୍ରାଞ୍ଚାଇଜ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ଯ କ୍ୟାପଟେନଙ୍କ ପରିବାରକୁ ଆସୁଥିବା ନୂଆ ଅତିଥି ଖବରରେ ଖୁସିବ୍ୟକ୍ତି କରିବା ସହ ପତିପତ୍ନୀଙ୍କୁ ଅଭିନନ୍ଦନ ଜଣାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ