ମେଲବୋର୍ଣ୍ଣ: କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର । ଖୁବଶ୍ରୀଘ୍ର ଆଗାମୀ ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜର ସମୟସୂଚୀ ଘୋଷଣା କରିବାକୁ ଯାଉଛି ଅଷ୍ଟ୍ରେଲିଆ କ୍ରିକେଟ ବୋର୍ଡ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଥିବା ଜଣାପଡିଛି ।
ଖୁବଶ୍ରୀଘ୍ର ଘୋଷଣା ହୋଇପାରେ ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ ସୂଚୀ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତରେ 4ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବା ନେଇ ସ୍ଥିର ହୋଇଛି । ଡିସେମ୍ବର 3ରୁ ବ୍ରିସବେନରେ ପ୍ରଥମ ଟେଷ୍ଟ ଖେଳାଯିବ ବୋଲି ସୂଚନା ମିଳିଛି । ତେବେ କ୍ରିକେଟ ଅଷ୍ଟ୍ରେଲିଆ ମୁଖ୍ୟ କାର୍ଯ୍ୟନିବାହୀ କେଭିନ ରୋବର୍ଟ୍ସ, ଆନୁଷ୍ଠାନିକ ଭାବେ ଶୁକ୍ରବାର ଏନେଇ ଘୋଷଣା କରିବେ ବୋଲି ସୂଚନା ରହିଛି ।
ଖୁବଶ୍ରୀଘ୍ର ଘୋଷଣା ହୋଇପାରେ ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ ସୂଚୀ ଏକ ଅଷ୍ଟ୍ରେଲିଆ ନ୍ୟୁଜ ୱେବସାଇଟ ଅନୁଯାୟୀ, ଅଷ୍ଟ୍ରେଲିଆ ଗସ୍ତରେ ଭାରତ ବ୍ରିସବେନରେ ଡିସେମ୍ବର 3ରେ ପ୍ରଥମ ଟେଷ୍ଟ, ଡିସେମ୍ବର 11ରେ ଆଡିଲେଡରେ 2ୟ ଟେଷ୍ଟ(ଦିବାରାତ୍ର), ଡିସେମ୍ବର 26ରେ ମେଲବୋର୍ଣ୍ଣରେ 3ୟ ଟେଷ୍ଟ ଓ ଜାନୁଆରୀ 3ରେ ସିଡନିରେ ଅନ୍ତିମ ତଥା 4ର୍ଥ ଟେଷ୍ଟ ଖେଳାଯିବ ।
ଶୁକ୍ରବାର ଅଷ୍ଟ୍ରେଲିଆ କ୍ରିକେଟ ବୋର୍ଡ 2020-21 ସିଜିନର ଅନ୍ତର୍ଜାତୀୟ ସୂଚୀ ଘୋଷଣା କରିପାରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
