ମୋହାଲି: ଆଇପିଏଲ ଇତିହାସରେ ଛକାର ବର୍ଷା କଲେ ବିସ୍ପୋରକ ବ୍ୟାଟ୍ସମ୍ୟାନ କ୍ରିସ ଗେଲ। ଆଇପିଏଲରେ 300 ଛକା ପୂରଣ କରିବାରେ ପ୍ରଥମ ବ୍ୟାଟ୍ସମ୍ୟାନ ହୋଇଛନ୍ତି ଗେଲ।
ଶନିବାର ଖେଳାଯାଇଥିବା ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଏହି ଉପଲବ୍ଧି ହାସଲ କରିଛନ୍ତି ଗେଲ। ଏହି ମ୍ୟାଚରେ ଗେଲ୍ ମିସେଲ ମ୍ୟାକ୍ଲେଘନଙ୍କ ବଲରେ ଛକା ମାରି ଆଇପିଏଲରେ ୩୦୦ ଛକା ପୂରଣ କରିଛନ୍ତି । ତେବେ ସେ ୧୧୫ଟି ମ୍ୟାଚରୁ ୩୦୦ ଛକା ମାରିଛନ୍ତି।
ଅନ୍ୟପଟେ ଆଇପିଏଲରେ ସର୍ବାଧିକ ଛକା ମାରିବାରେ ଗେଲ୍ ନିଜର ସାଥୀ ଖେଳାଳିଙ୍କଠୁ ବହୁତ ଆଗରେ ରହିଛନ୍ତି।୧୪୩ ମ୍ୟାଚରେ ୧୯୨ ଛକା ମାରିଦ୍ଵିତୀୟରେ ଅଛନ୍ତି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଖେଳାଳି ଏବି ଡିଭିଲିୟର୍ସ।
ଭାରତୀୟ ବ୍ୟାଟସମ୍ୟାନ ଭାବେ ମହେନ୍ଦ୍ର ସିଂହ ଧୋନୀ ୧୭୭ ମ୍ୟାଚରେ ୧୮୭ ଛକା ମାରି ପ୍ରଥମ ସ୍ଥାନରେ ଅଛନ୍ତି। ଅନ୍ୟ ପଟେ ସୁରେଶ ରୈନା ୧୭୮ ମୁକାବିଲାରେ ୧୮୬ ଓ ବିରାଟ କୋହଲି ୧୭୬ ମ୍ୟାଚରୁ ୧୮୫ ଛକା ମାରିଛନ୍ତି।
