ଭାଷ୍ୟକାର ପ୍ୟାନେଲରୁ ବାଦ୍‌ ପଡ଼ିଲେ ମଞ୍ଜରେକର, ଟ୍ରୋଲ କଲା ସିଏସକେ

ଭାଷ୍ୟକାର ସଞ୍ଜୟ ମଞ୍ଜରେକରଙ୍କୁ ବିସିସିଆଇ ଭାଷ୍ୟକାର ପ୍ୟାନେଲରୁ ବାଦ୍‌ ଦେଇଛି ।

ମୁମ୍ବାଇ: ଭାରତରେ କୋରୋନା ଭାଇରସ ଭୟ ପାଇଁ ଆଇପିଏଲ୍ 2020 ହୁଏତ 2 ସପ୍ତାହ ପାଇଁ ସ୍ଥଗିତ ହୋଇଥାଇପାରେ । କିନ୍ତୁ ଚେନ୍ନାଇ ସୁପର କିଙ୍ଗ୍ସର ଟ୍ବିଟରରେ ନିଜର ଫ୍ୟାନ୍ସଙ୍କୁ ବାନ୍ଧି ରଖିଛି । ତେବେ ଇତିମଧ୍ୟରେ କ୍ରୀଡାଜଗତରେ ଘଟିଥିବା ଅନ୍ୟତମ ଖବରକୁ ନେଇ ସିଏସକେ ଏକ ମଜାଦାର ଟ୍ବିଟ କରିଛି ।

ସୂଚନାଥାଉକି, ଭାଷ୍ୟକାର ସଞ୍ଜୟ ମଞ୍ଜରେକରଙ୍କୁ ବିସିସିଆଇ ଭାଷ୍ୟକାର ପ୍ୟାନେଲରୁ ବାଦ୍‌ ଦେଇଛି । ତେବେ ଆଗାମୀ ଆଇପିଏଲରେ ମଧ୍ୟ ଭାଷ୍ୟକାର ସାଜି ପାରିବେ ନାହିଁ ମଞ୍ଜରେକର । ଫଳରେ ମଞ୍ଜରେକରଙ୍କ ଏହି ଖବରକୁ ନେଇ ସିଏସକେ ଏକ ଟ୍ବିଟ କରିଛି । ଟ୍ବିଟରେ ଲେଖାଯାଇଛି, ‘‘ଛୋଟ ଖଣ୍ଡରେ ଏଥର କ୍ରିକେଟ କେମେଣ୍ଟ୍ରି ଶୁଣିବା ଆବଶ୍ୟକ ନାହିଁ ।’’

ତେବେ ସିଏସକେର ଏହି ଟ୍ବିଟ ମଞ୍ଜରେକର ଟ୍ରୋଲ କରୁଥିବା ଚର୍ଚ୍ଚା ହେଉଛି । କାରଣ ବିଶ୍ବକପ-2019ରେ ଭାରତୀୟ ଦଳର ଅଲରାଉଣ୍ଡର ତଥା ସିଏକକେ ଖେଳାଳି ରବିନ୍ଦ୍ର ଜାଡେଙ୍କୁ ଟ୍ବିଟରେ ଯୋଗେ ଟାର୍ଗେଟ କରିଥିଲେ । ଆଉ ଯାହାର ଜବାବ ଆଜି ସିଏକକେ ଦେଇଛି ।