ଦୁବାଇ:ଆଇସିସି 'ପ୍ଲେଆର ଅଫ ଦ ମନ୍ଥ୍' ହୋଇଛନ୍ତି, ଭାରତୀୟ ଷ୍ଟାର ଦ୍ରୁତ ବୋଲର ଭୁବନେଶ୍ବର କୁମାର । ମାର୍ଚ୍ଚ ମାସରେ ଇଂଲଣ୍ଡ ବିପକ୍ଷ ସୀମିତ ଓଭର ସିରିଜରେ ଦମଦାର ପ୍ରଦର୍ଶନ କରିଥିଲେ ଭୁବନେଶ୍ବର । ଫଳରେ ମାର୍ଚ୍ଚ ମାସର ଶ୍ରେଷ୍ଠ ଆଇସିସି ଖେଳାଳି ହୋଇଛନ୍ତି ।
31 ବର୍ଷୀୟ ଭାରତୀୟ ବୋଲର 3ଟି ଦିନିକିଆରୁ 4.65 ଇକୋନୋମି ରେଟ୍ରେ 6ଟି ୱିକେଟ ହାସଲ କରିଥିଲେ । ଏଥିସହ 5ଟି ଟି20 ମ୍ୟାଚରେ 6.38 ଇକୋନୋମି ରେଟ୍ ସହ ଘାତକ ସାବ୍ୟସ୍ତ ହୋଇଥିଲେ ।
"ଦୀର୍ଘ ଓ ଯନ୍ତ୍ରଣାଦାୟକ ବିରତି ପରେ ଟିମ ଇଣ୍ଡିଆ ପାଇଁ ଖେଳିବାର ସୁଯୋଗ ମିଳିବା ନେଇ ବେଶ ଉତ୍ସାହିତ ଥିଲି । ଫିଟନ୍ସ ଓ କୌଶଳ ଉପରେ ସର୍ବଦା ପ୍ରାଥମିକତା ରହିଛି । ମାର୍ଚ୍ଚ ମାସ ପାଇଁ ଆଇସିସି ପୁରୁଷ ପ୍ଲେଆର ଅଫ ଦ ମ୍ୟାଚ ଚୟନ କରିଥିବାରୁ ଆଇସିସି ଓ ଭୋଟ ଦେଇଥିବା ସମସ୍ତ ଫ୍ୟାନ୍ସଙ୍କୁ ଧନ୍ୟବାଦ ।" ଏହା କହିଛନ୍ତି ଭୁବନେଶ୍ବର ।