ନୂଆଦିଲ୍ଲୀ: କ୍ରିକେଟର ମହମ୍ମଦ ସାମିଙ୍କ ଆଜି (ମଙ୍ଗଳବାର) 29ତମ ଜନ୍ମଦିନ । କିନ୍ତୁ ସବୁଠୁ ବଡକଥା ହେଉଛି ଜନ୍ମଦିନରେ ସୋସିଆଲ ମିଡିଆ ଠାରୁ ଆରମ୍ଭକରି ଚାରିଆଡୁ ତାଙ୍କୁ ଶୁଭେଚ୍ଛାର ସୁଅ ଛୁଟୁଥୁବା ବେଳେ କୋର୍ଟ ଦେଇଛନ୍ତି ଶକ୍ତ ଖଟକା ।
ଗତବର୍ଷ ସାମିଙ୍କ ପତ୍ନୀ ପତ୍ନୀ ହାସୀନ ଜାହନ ଘରୋଇ ହିଂସାକୁ ନେଇ ଏକ ଅଭିଯୋଗ କରିଥିଲେ । ଯାହାର ଶୁଣାଣି କରି କୋର୍ଟ ଆରେଷ୍ଟ ୱାରେଣ୍ଟ ଜାରି କରିବା ସହ 15 ଦିନ ଭିତରେ ଅତ୍ମସମର୍ପଣ ପାଇଁ ସାମିଙ୍କୁ ନିର୍ଦ୍ଦେଶ ଦେଇଛନ୍ତି।
ପ୍ରକାଶ ଥାଉ କି ସାମିଙ୍କ ସହ ପରିବାର ସଦସ୍ୟଙ୍କ ବିରୋଧରେ ମଧ୍ୟ ସେ ଅଭିଯୋଗ କରିଥିଲେ । ସମାନ ଘଟଣାରେ କୋର୍ଟ ସାମିଙ୍କ ଭାଇ ହାସିଦ ଅହମ୍ମଦଙ୍କ ବିରୋଧରେ ମଧ୍ୟ ଆରେଷ୍ଟ ୱାରେଣ୍ଟ ଜାରି କରିଛନ୍ତି । ଯାହାକୁ ନେଇ ନ୍ୟାୟିକ ବ୍ୟବସ୍ଥା ଉପରେ ବେଶ ଖୁସି ବ୍ୟକ୍ତ କରିଛନ୍ତି ସାମିଙ୍କ ପତ୍ନୀ ହାସୀନ।