ମୁମ୍ବାଇ: ବିଶ୍ବକପ୍ ପାଇଁ ବିସିସିଆଇ ଚୟନ କମିଟି ସୋମବାର ଘୋଷଣା କରିଛି 15 ଜଣିଆ ଭାରତୀୟ ଟିମ। ଚୟନ କମିଟି, ଅଧିନାୟକ ବିରାଟ କୋହଲି ଏବଂ ମୁଖ୍ୟ କୋଚ ରବି ଶାସ୍ତ୍ରୀଙ୍କୁ ନେଇ ମୁମ୍ବାଇ ଠାରେ ବସିଥିବା ବୈଠକ ଶେଷ ହେବା ପରେ ବିସିସିଆଇର ଚୟନ ସମିତି ମୁଖ୍ୟ ଏମଏସକେ ପ୍ରସାଦ 15 ଜଣିଆ ଟିମ୍ ଇଣ୍ଡିଆ ଘୋଷଣା କରିଛନ୍ତି । ଆସନ୍ତା ମେ ମାସ 30 ତାରିଖରୁ ଇଂଲଣ୍ଡ ଏବଂ ୱେଲ୍ସ ଠାରେ ବିଶ୍ୱକପ ଖେଳାଯିବ।
ଅନେକ କଳ୍ପନା ଜଳ୍ପନା ପରେ ବିଶ୍ବକପ ପାଇଁ ଘୋଷିତ ହୋଇଛି ଭାରତୀୟ କ୍ରିକେଟ ଟିମ। ବିରାଟ କୋହଲି (ଅଧିନାୟକ), ରୋହିତ ଶର୍ମା (ଉପ ଅଧିନାୟକ), ଶିଖର ଧୱନ, କେଦାର ଯାଦବ, ଏମଏସ ଧୋନି (ୱିକେଟ କିପର), ହାର୍ଦ୍ଦିକ ପାଣ୍ଡ୍ୟା (ଅଲରାଉଣ୍ଡର), ଭୁବନେଶ୍ବର କୁମାର, ଯଶପ୍ରୀତ ବୁମରା, ମହମ୍ମଦ ସାମି, କୁଳଦୀପ ଯାଦବ, ୟଜୁବେନ୍ଦ୍ର ଚହଲ, ଦିନେଶ କାର୍ତ୍ତିକ, କେଏଲ ରାହୁଲ, ବିଜୟ ଶଙ୍କର, ରବିନ୍ଦ୍ର ଜାଡେଜାଙ୍କୁ ଘୋଷିତ 15 ଜଣିଆ ଦଳରେ ସ୍ଥାନ ମିଳିଛି । ଆଜି ଘୋଷିତ ଦଳ ବିଶ୍ବକପ ଖେଳିବାକୁ ଇଂଲଣ୍ଡ ଉଡିବ । ତେବେ ଟିମ୍ ଚୟନ ନେଇ ପୂର୍ବରୁ ଅନେକ ଅଙ୍କକଷା ଚାଲିଥିଲା ବେଳେ ଖେଳାଳିଙ୍କ ଫର୍ମ, ଫିଟନେସ୍ ଏବଂ ନିକଟରେ ସମାପ୍ତ ହୋଇଥିବା କିଛି ସିରିଜରେ ପ୍ରଦର୍ଶନକୁ ଆଖିଆଗରେ ରଖି ବିଶ୍ବକପ ଦଳ ଚୟନ ହୋଇଥିବା କହିଛନ୍ତି ମୁଖ୍ୟ ଚୟନକର୍ତ୍ତା ।