ମେଲବର୍ଣ୍ଣ: ନଭେମ୍ବର 27 ରୁ ଭାରତ ବିପକ୍ଷ ତିନି ମ୍ୟାଚ ବିଶିଷ୍ଟ ଟି-20 ସିରିଜ ପାଇଁ ଅଷ୍ଟ୍ରେଲୀୟ ପୁରୁଷ କ୍ରିକେଟ ଦଳ ଏକ ସ୍ବଦେଶୀ ଜର୍ସି ପିନ୍ଧିବ । ଯାହାର ଡିଜାଇନ୍ ବୁଧବାର କ୍ରିକେଟ ଅଷ୍ଟ୍ରେଲିଆ ଦ୍ବାରା ଉନ୍ମୋଚିତ ହୋଇଛି।
1868 ମସିହାରେ ପ୍ରଥମ କରି ଅଷ୍ଟ୍ରେଲିଆର ଏକ ଆଦିବାସୀ କ୍ରିକେଟରଙ୍କ ଦଳ ବ୍ରିଟେନକୁ ତିନିମାସ ଯାତ୍ରା କରିଥିଲା ଓ 47ଟି ମ୍ୟାଚ ଖେଳିଥିଲା । ସେହି ଯାତ୍ରାର କାହାଣୀକୁ ଏହି ଜର୍ସୀରେ ବର୍ଣ୍ଣନା କରାଯାଇଛି ।
ଏହି ଜର୍ସିଟି 1868 ମସିହାରେ ଇଂଲଣ୍ଡରେ ଖେଳିଥିବା ଦଳର ଅନ୍ୟତମ ସଦସ୍ୟ ଥିବା ଗ୍ରୋଙ୍ଗାରଙ୍ଗଙ୍କ ଅଣ ନାତୁଣୀ କିରା ୱୁରୁଙ୍ଗ ଆଣ୍ଟି ଫିଓନା କ୍ଲାର୍କଙ୍କ ଦ୍ବାରା ଡିଜାଇନ କରାଯାଇଛି । ଜର୍ସୀରେ ମୂଳ ୱାକବାଉଟ୍ ୱିକେଟ କଳାକୃତି ଡିଜାଇନ ଏଥିରେ ପ୍ରଦର୍ଶିତ ହେବ ।
କୋର୍ଟନି ହାଗେନ୍, ବଚୁଲ୍ଲା ଏବଂ ଗୁବି ଗୁବି ଓ କ୍ରିକେଟ୍ ଅଷ୍ଟ୍ରେଲିଆର ସ୍ବଦେଶୀ ଯୋଗଦାନ ବିଶେଷଜ୍ଞଙ୍କ ମିଳିତ ଭାବେ ସହ ଡିଜାଇନର ଭାବରେ ଏହି ଜର୍ସୀକୁ ଡିଜାଇନ୍ କରିଛନ୍ତି।