ହାଇଦ୍ରାବାଦ: ଭାରତ ଆଡିଲେଡ ଟେଷ୍ଟରେ ରେକର୍ଡ ସର୍ବନିମ୍ନ ଟେଷ୍ଟ ରନ ସହ ଶୋଚନୀୟ ପରାଜୟ ପରେ ଟ୍ବିଟରରେ ଅଭିନେତ୍ରୀ-ପ୍ରଯୋଜିକା ଅନୁଷ୍କା ଶର୍ମା ଟ୍ରେଣ୍ଡ କରୁଥିବା ଦେଖାଯାଇଛି । ମାତ୍ର 36 ରନ ମଧ୍ୟରେ ସଂପୂର୍ଣ୍ଣ ଭାରତୀୟ ଟିମ ପାଭିଲିୟନ ଫେରିଥିଲେ । ଫଳରେ ଦଳର ଏପରି ଦୟନୀୟ ପ୍ରଦର୍ଶନ ପାଇଁ ଅନୁଷ୍କା ଶର୍ମାଙ୍କୁ କିଛି ୟୁଜର୍ସ ଟ୍ରୋଲ କରିବା ଆରମ୍ଭ କରିଦେଇଥିଲେ ।
ତେବେ ଅନୁଷ୍କାଙ୍କୁ ସମାଲୋଚନା ପାଇଁ ୟୁଜର୍ସ ଚୟନ କରିଥିବା ସମୟ ଭୁଲ ବୋଲି କୁହାଯାଉଛି । କାରଣ କ୍ୟାପଟେନ ବିରାଟ କୋହଲି ଓ ଅଭିନେତ୍ରୀ ଅନୁଷ୍କା ଶର୍ମା ପ୍ରଥମ ସନ୍ତାନର ପିତା ହେବାକୁ ଯାଉଛନ୍ତି ।
ଅନୁଷ୍କାଙ୍କ ସହ କ୍ରିକେଟର ରୋହିତ ଶର୍ମା ଓ ମହେନ୍ଦ୍ର ସିଂ ଧୋନି ମଧ୍ୟ ଟ୍ରେଣ୍ଡ କରିବାକୁ ଲାଗିଥିଲେ । ଏହି ତିନିଜଣଙ୍କୁ ଟ୍ରୋଲର୍ସ ଭାରତର ଏହି ବଡ ପରାଜୟ ପରେ ନିଜର ଅସନ୍ତୋଷ ଓ ବିରକ୍ତିଭାବ ପ୍ରକାଶ ପାଇଁ ସଫ୍ଟଟାର୍ଗେଟ କରୁଥିବା ଦେଖାଯାଉଛି । କ୍ୟାପଟେନ ବିରାଟ କୋହଲିଙ୍କୁ ମଧ୍ୟ ଅନେକ ସମାଲୋଚନା କରୁଥିବା ଦେଖାଯାଇଛି ।