ହାଇଦ୍ରାବାଦ: ଅନ୍ତର୍ଜାତୀୟ କ୍ରିକେଟକୁ ସବୁଦିନ ପାଇଁ ଅଲବିଦା କହିଛନ୍ତି ଯୁବରାଜ ସିଂହ । 6ଟି ବଲରେ 6 ଛକା ମାରି ରେକର୍ଡ କରିଥିବା ଯୁବିଙ୍କ ନିକଟକୁ ସବୁଆଡୁ ଛୁଟୁଛି ଶୁଭେଚ୍ଛା, ଅବସର ପରବର୍ତ୍ତୀ ଜୀବନ ପାଇଁ । ଅମୂଲ କମ୍ପାନି ମଧ୍ୟ କ୍ରିକେଟ ଯୁବରାଜଙ୍କୁ ନିଜ ଅମୂଲ ଟପିକାଲ ମାଧ୍ୟମରେ ଜଣାଇଛି ଶୁଭେଚ୍ଛା ।
ଟ୍ବିଟରରେ ଏକ ପୋଷ୍ଟ କରି ଯୁବିଙ୍କ 6 ବଲରେ 6ଟି ଛକା ନେଇ ଅମୂଲ ଲେଖିଛି ‘‘ସବକେ ଛକ୍କେ ଛୁଡା ଦିଏ !’’ ସୂଚନା ଯୋଗ୍ୟ ଯେ ଅମୂଲ ଅନେକ ସମୟରେ ଏମିତି ଫଟୋ ସବୁ ମାଧ୍ୟରେ ଗୁରୁତ୍ବପୂର୍ଣ୍ଣ ଘଟଣାର ବର୍ଣ୍ଣନା କରିଥାଏ । ଯାହାକୁ ସମସ୍ତେ ଖୁବ ପସନ୍ଦ ମଧ୍ୟ କରିଥାନ୍ତି ।