ବ୍ରିସବେନ: ମହେନ୍ଦ୍ର ସିଂ ଧୋନିଙ୍କ ରେକର୍ଡ ଭାଙ୍ଗିଲେ ଅଷ୍ଟ୍ରେଲିଆ ମହିଳା କ୍ରିକେଟ ଟିମର ୱିକେଟକିପର ଆଲେସ ହେଲି । ଟି-20 କ୍ରିକେଟରେ ୱିକେଟ କିପର ଭାବେ ସର୍ବାଧିକ ଥର ଆଉଟ କରିବାର ଧୋନିଙ୍କ ରେକର୍ଡକୁ ଭଙ୍ଗ କରିଛନ୍ତି ହେଲି ।
ହେଲି ୱିକେଟ ପଛରେ କ୍ରିକେଟର ଛୋଟ ଫର୍ମାଟରେ 92 ଥର ଆଉଟ କରିଛନ୍ତି, ଅନ୍ୟପଟେ ଧୋନିଙ୍କ ନାମରେ ଅନ୍ତର୍ଜାତୀୟ ଟି-20ରେ ରେକର୍ଡ 91 ଥର ଆଉଟ ରହିଥିଲା ।
ଟିମ ଇଣ୍ଡିଆ ପାଇଁ ଧୋନି 98ଟି ଟି-20 ମ୍ୟାଚ ଖେଳି, 91 ଥର ୱିକେଟ ପଛରେ ଆଉଟ କରିଛନ୍ତି । ଅନ୍ୟପଟେ, ହେଲି ଅଷ୍ଟ୍ରେଲିଆ ପାଇଁ 114ଟି ମ୍ୟାଚ ଖେଳି 92ଟି ଆଉଟ କରିଛନ୍ତି ।