ନୂଆଦିଲ୍ଲୀ: ଟିମ ଇଣ୍ଡିଆ ଜର୍ସିରେ ବାଇଜୁର ସ୍ଥାନ ନେଲା ଡ୍ରିମ 11 । ଭାରତୀୟ ଦଳର ମୁଖ୍ୟ ପ୍ରାୟୋଜକ ହେଲା ଡ୍ରିମ 11 । ଏନେଇ ଡ୍ରିମ ଇଲେଭେନ ସହିତ ଏକ ଚୁକ୍ତି ସ୍ବାକ୍ଷର ହୋଇଥିବା ବିସିସିଆଇ ପକ୍ଷରୁ ଘୋଷଣା କରାଯାଇଛି । 3 ବର୍ଷ ପାଇଁ ଏହି ଚୁକ୍ତି ସ୍ବାକ୍ଷର ହୋଇଛି । ଆସନ୍ତା 2026 ପର୍ଯ୍ୟନ୍ତ ଟିମ ଇଣ୍ଡିଆ ଜର୍ସିର ଲିଡ ସ୍ପନସର ରହିବ ଡ୍ରିମ ଇଲେଭେନ ।
ଚଳିତ ମାସରେ ଆରମ୍ଭ ହେବାକୁ ଥିବା ୱେଷ୍ଟଇଣ୍ଡିଜ ବିପକ୍ଷ ଟେଷ୍ଟ ସିରିଜରେ ଇଣ୍ଡିଆ ଟିମ୍ ଜର୍ସିରେ ଡ୍ରିମ୍ 11 ଲୋଗୋ ଦେଖିବାକୁ ମିଳିବ । ଚଳିତ ମାସ ଦ୍ବିତୀୟ ସପ୍ତାହରେ ୱେଷ୍ଟଇଣ୍ଡିଜ ବିପକ୍ଷରେ ୩ଟି ଯାକ ଫର୍ମାଟ୍ରେ 3ଟି ଶୃଙ୍ଖଳା ଖେଳିବ ଭାରତ । ତେଣୁ ପ୍ରଥମ ସପ୍ତାହରେ ୱେଷ୍ଟଇଣ୍ଡିଜ ଗସ୍ତ କରିବ ଭାରତୀୟ ଦଳ । ଏହି ଗସ୍ତରେ ଭାରତୀୟ ଦଳ ୨ଟି ଟେଷ୍ଟ, ୩ଟି ଦିନିକିଆ ଏବଂ ୫ ଟି୨୦ ମ୍ୟାଚ୍ ଖେଳିବ । ବିସିସିଆଇ ସଭାପତି ରୋଜର ବିନ୍ନି ଡ୍ରିମ11କୁ ଧନ୍ୟବାଦ ଜଣାଇବା ସହ ସ୍ବାଗତ କରିଛନ୍ତି । ବିସିସିଆଇର ଅଫିସିଆଲ୍ ସ୍ପନସର ହେବା ଠାରୁ ବର୍ତ୍ତମାନ ଲିଡ ସ୍ପନସର ହେବା ପର୍ଯ୍ୟନ୍ତ, ବିସିସିଆଇ-ଡ୍ରିମ୍ 11 ମଧ୍ୟରେ ସହଭାଗିତା ଦିନକୁ ଦିନ ମଜବୁତ ହେଉଥିବା କହିଛନ୍ତି ରୋଜର ବିନ୍ନି ।