ହାଇଦ୍ରାବାଦ: ୱେଷ୍ଟଇଣ୍ଡିଜ୍ ବିପକ୍ଷରେ ଟି-୨୦ ସିରିଜ ପାଇଁ ଭାରତୀୟ ଦଳ ଘୋଷଣା କରିଛି ବିସିସିଆଇ(BCCI) । ଦଳକୁ କେ.ଏଲ୍ ରାହୁଲ ଓ କୁଲଦୀପ ଯାଦବ ଦଳ ପ୍ରତ୍ୟାବର୍ତ୍ତନ କରିଥିବାବେଳେ ବିରାଟ କୋହଲି ଓ ଜଶପ୍ରୀତ ବୁମ୍ରାଙ୍କୁ ଏହି ସିରିଜ୍ରୁ ବିଶ୍ରାମ ଦିଆଯାଇଛି । ତେବେ ରାହୁଲ ଓ କୁଲଦୀପ ସମ୍ପୂର୍ଣ୍ଣ ଫିଟ୍ ହେଲେ ହିଁ ଏହି ସିରିଜ୍ରେ ସାମିଲ ହେବେ ବୋଲି ବିସିସିଆଇ ପକ୍ଷରୁ କୁହାଯାଇଛି । ସେହିଭଳି ଚହଲଙ୍କ ବଦଳରେ ଦଳରେ ରବିଚନ୍ଦ୍ରନ ଅଶ୍ବିନଙ୍କୁ ସାମିଲ କରାଯାଇଛି ।
ଇଂଲଣ୍ଡ ସହ ଟି-୨୦ ସିରିଜ ଶେଷ ହେବାପରେ ଟିମ୍ ଇଣ୍ଡିଆ ୱେଷ୍ଟଇଣ୍ଡିଜ୍ ଗସ୍ତ କରିବ । ଜୁଲାଇ ୨୨ ତାରିଖରୁ ଏହି ହ୍ବାଇଟ୍ ବଲ୍ ଗେମ୍ ଆରମ୍ଭ ହୋଇ ଅଗଷ୍ଟ ୭ ତାରିଖରେ ଶେଷ ହେବ । ୨୨ ତାରିଖରୁ ୨୭ ତାରିଖ ଯାଏଁ ଦିନିକିଆ ସିରିଜ୍ ଖେଳାଯିବ । ଏହାପରେ ଜୁଲାଇ ୨୯ ତାରିଖରୁ ଟି-୨୦ ସିରିଜ୍ ଆରମ୍ଭ ହେବ । ଚଳିତ ବର୍ଷ ପ୍ରାରମ୍ଭରେ ୱେଷ୍ଟଇଣ୍ଡିଜ୍ ଦଳ ଭାରତ ଗସ୍ତ କରିଥିଲା । ଭାରତ ବିପକ୍ଷରେ ୩ଟି ଟି-୨୦ ଓ ୩ଟି ଦିନିକିଆ ଖେଳି ଗୋଟିଏ ମଧ୍ୟ ମ୍ୟାଚ୍ରେ ବିଜୟୀ ହୋଇ ପାରିନଥିଲା ୱେଷ୍ଟଇଣ୍ଡିଜ୍ ।