ଲଣ୍ଡନ:ଗତ ଦେଢ଼ବର୍ଷ ହେଲା ବିରାଟ କୋହିଲଙ୍କ ବ୍ୟାଟରୁ ଶତକ ଦେଖିବାକୁ ମିଳିନାହିଁ । ଭାରତ ଓ ଇଂଲଣ୍ଡ ମଧ୍ୟରେ ଆରମ୍ଭ ହୋଇଥିବା ତୃତୀୟ ଟେଷ୍ଟରେ ମଧ୍ୟ ବିରାଟ କୋହଲି ଫେଲ ମାରିଛନ୍ତି । ଦିନେ କୋହଲିଙ୍କ ରନକୁ ନେଇ ରେକର୍ଡ ଉପରେ ରେକର୍ଡ ହେଉଥିବା ବେଳେ ଆଜିକାଲି ତାହା ଦେଖିବାକୁ ମିଳୁନାହିଁ । ମ୍ୟାଚ ଆରମ୍ଭ ପୂର୍ବରୁ କୋହିଲ ଶତକ ହାସଲ କରିବା ନେଇ ତାଙ୍କ ପିଲା ଦିନର କୋଚ ରାଜକୁମାର ଶର୍ମା ଆଶାବାଦୀ ରହିଥିଲେ ।
ତୃତୀୟ ମ୍ୟାଚରେ ଭାରତ ବ୍ୟାଟିଂ ବିପର୍ଯ୍ୟୟର ଶିକାର ହୋଇଛି । ଏହି କ୍ରମରେ କୋହଲି ତୃତୀୟ ଟେଷ୍ଟର ମାତ୍ର ୭ ରନ କରି ପୁନଃ ଆଣ୍ଡରସନଙ୍କୁ ତାଙ୍କ ୱିକେଟ ଭେଟି ଦେଇଛନ୍ତି । କେବଳ ତୃତୀୟ ଟେଷ୍ଟ ମ୍ୟାଚ କଥା ନୁହେଁ । ଗତ ୫୦ଟି ଅନ୍ତର୍ଜାତୀୟ ଇନିଂସରେ କୋହଲି ତିନି ଟିକିଆ ଅଙ୍କ ଛୁଇଁ ପାରିନାହାନ୍ତି । ସେଥିମଧ୍ୟରେ ୧୮ଟି ଟେଷ୍ଟ ଇନିଂସ, ୧୫ଟି ଦିନିକିଆ ଇନିଂସ ଓ ୧୭ଟି ଟି-୨୦ ଇନିଂସ ସାମିଲ ରହିଛି ।