ସାରବ୍ରକେନ: ସାରଲୋରସକ୍ସ ଓପନ ଟାଇଟେଲ ନିଜ ନାଁରେ କରିଛନ୍ତି ଭାରତର 18ବର୍ଷୀୟ ଯୁବ ବ୍ୟାଡମିଣ୍ଟନ ଖେଳାଳି ଲକ୍ଷ୍ୟ ସେନ । ଫାଇନାଲ ମ୍ୟାଚରେ ଓ୍ବେଙ୍ଗ୍ ହଙ୍ଗ୍ ୟାଙ୍ଗଙ୍କୁ 17-21,21-18,21-16 ସେଟ୍ରେ ପରାସ୍ତ କରି ସାରଲୋରସକ୍ସ ଓପନସୁପର 100 ଟୁର୍ଣ୍ଣାମେଣ୍ଟର ଚମ୍ପିଆନ ହୋଇଛନ୍ତି । କ୍ରମାଗତ ଭାବେ ସେ 2ୟ ବିଡବ୍ଲୁଏଫ୍ ବିଶ୍ବ ଟୁର 100 ଟୁର୍ଣ୍ଣାମେଣ୍ଟକର ଚମ୍ପିଆନ ହୋଇଛନ୍ତି ।
ସାରଲୋରସକ୍ସ ଓପନ ଟାଇଟଲ ହାତେଇଲେ ଲକ୍ଷ୍ୟ
ଭାରତର 18ବର୍ଷୀୟ ଯୁବ ବ୍ୟାଡମିଣ୍ଟନ ଖେଳାଳି ଲକ୍ଷ୍ୟ ସାରଲୋରସକ୍ସ ଓପନ ଫାଇନାଲରେ ଚୀନର ଓ୍ବେଙ୍ଗଙ୍କୁ 17-21,21-18,21-16 ସେଟ୍ରେ ପରାସ୍ତ କରି ଟାଇଟଲ ହାତେଇଛନ୍ତି ।
lakshya sen
ତେବେ ଏହି ମ୍ୟାଚଟି 59ମିନିଟ ଯାଏଁ ଚାଲିଥିଲା । ଏହି ରୋମାଞ୍ଚକର ଫାଇନାଲ ମ୍ୟାଚ ଜିତିଲା ପରେ ଲକ୍ଷ୍ୟ ଟ୍ବିଟ କରି ଖୁସି ବ୍ୟକ୍ତ କରିଛନ୍ତି । ଏଥିପାଇଁ ସେ ନିଜର ସମସ୍ତ କୋଚ ଓ ତାଙ୍କର ସମର୍ଥକଙ୍କୁ ଧନ୍ୟବାଦ ଜଣାଇଛନ୍ତି ।
ଏହା ପୂର୍ବରୁ ସେ ବେଲଜିୟମ ଅନ୍ତରାଷ୍ଟ୍ରୀୟ ଚ୍ୟାଲେଞ୍ଜ ଓ ଡଚ ଓପନ ସୁପର ଟୁର 100 ଟାଇଟେଲ ନିଜ ନାଁରେ କରି ଦେଶ ପାଇଁ ଗୌରବ ଆଣିଛନ୍ତି ।