କୁଆଲାଲମ୍ପପୁର : ପାଞ୍ଚଥର ବିଶ୍ବ ବ୍ୟାଡମିଣ୍ଟନ ଚାମ୍ପିଆନ ଲିନ୍ ଡାନ୍ 'ମାଲେସିଆ ଓପନ୍ ସିଙ୍ଗଲ୍' ନିଜ ନାଁରେ କରିଛନ୍ତି । 78 ମିନିଟ୍ର ଏହି ମୁକାବିଲାରେ ପ୍ରଥମ ରାଉଣ୍ଡରେ ହାରିବା ପରେ ମ୍ୟାଚ୍କୁ ନିଜ ଆୟତ୍ତକୁ ଆଣି ଏହି ବିଜୟ ହାସଲ କରିଛନ୍ତି । ସଦ୍ୟ ପ୍ରକାଶିତ ବିଶ୍ବ ମାନ୍ୟତାର 16 ତମ ସ୍ଥାନରେ ଥିବା ଏହି 35 ବର୍ଷୀୟ ଖେଳାଳୀ 4ର୍ଥ ସ୍ଥାନରେ ଥିବା ଚେନ୍ ଲଙ୍ଗଙ୍କୁ 9-21, 21-7, 21-11 ପଏଣ୍ଟରେ ପରାସ୍ତ କରିଛନ୍ତି । ତେବେ ପୁରସ୍କାର ରାଶିରେ ଏହି 2 ଥରର ଅଲମ୍ପିକ୍ ବିଜେତା ଲିନ ଡାନଙ୍କୁ 49 ହଜାର ଆମେରିକୀୟ ଡଲାର ମିଳିଛି ।
ମାଲେସିଆ ଓପନ୍: ପୁରୁଷ ବର୍ଗରେ ଲିନ ଡାନ ଓ ମହିଳା ବର୍ଗରେ ତାଇ ଜୁ-ୟଙ୍ଗ ଜିତିଲେ ଟାଇଟଲ
ପାଞ୍ଚଥର ବିଶ୍ବ ବ୍ୟାଡମିଣ୍ଟନ ଚାମ୍ପିଆନ ଲିନ୍ ଡାନ୍ ଓ ଦୁଇଥର ମାଲେସିଆ ଓପନ୍ ଜିତିଥିବା ତାଇ ଜୁ-ୟଙ୍ଗ 'ମାଲେସିଆ ଓପନ୍ ସିଙ୍ଗଲ୍ସ' ନିଜ ନାଁରେ କରିଛନ୍ତି ।
ଡିଜାଇନ ଫଟୋ
ଅପର ପକ୍ଷେ ମହିଳା ସିଙ୍ଗଲ୍ସ ଫାଇନାଲ୍ରେ ତାଇଓ୍ବାନର ଟପ୍ ସିଡ୍ ତାଇ ଜୁ-ୟଙ୍ଗ ଜାପନର ଅକେନେ ୟାମାଗୁଚୀଙ୍କୁ 21-16,21-19 ପଏଣ୍ଟରେ ହରାଇ 3ୟଥର ପାଇଁ 'ମାଲେସିଆ ଓପନ୍' ନିଜ ନାମରେ କରିଛନ୍ତି ।
ଟୁର୍ଣ୍ଣାମେଣ୍ଟର ଫଳାଫଳ:-
- ପୁରୁଷ ସିଙ୍ଗଲ୍ସ- ଲିନ୍ ଡାନ୍
- ମହିଳା ସିଙ୍ଗଲ୍ସ- ତାଇ ଜୁ-ୟଙ୍ଗ
- ପୁରୁଷ ଯୁଗଳ- ଲି ଜୁନହଇ/ ଲିୟୁ ୟୁକେନ (ଚୀନ)
- ମହିଳା ଯୁଗଳ- ଚେନ୍ କିଙ୍ଗଚେନ୍/ ଜିୟା ୟିଫାନ (ଚୀନ)
- ମିଶ୍ରିତ ଯୁଗଳ- ଝେଙ୍ଗ ସିଓ୍ବେଇ/ ହୁଆଙ୍ଗ ୟିକିୟାଁଙ୍ଗ (ଚୀନ)