ନୂଆଦିଲ୍ଲୀ: ଋଷିଆର କଜାନ ଠାରେ 30 ସେପ୍ଟେମ୍ବର ଠାରୁ 13 ଅକ୍ଟୋବର ଯାଏଁ ବିଡବ୍ଲୁଏଫ୍ ବିଶ୍ବ ଜୁନିୟର ଚମ୍ପିଆନସିପ୍ ଅନୁଷ୍ଠିତ ହେବ । ତେବେ ଏନେଇ ଭାରତୀୟ ବ୍ୟାଡମିଣ୍ଟନ ସଂଘ(ବିଏଆଇ) ଗତକାଲି 23 ଜଣ ଖେଳାଳୀଙ୍କ ନାଁ ଘୋଷଣା କରିଛି।
ବିଶ୍ବ ଜୁନିୟର ବ୍ୟାଡମିଣ୍ଟନ ଚମ୍ପିଆନସିପ୍ ପାଇଁ ଭାରତୀୟ ଦଳ ଘୋଷଣା
ବିଡବ୍ଲୁଏଫ୍ ବିଶ୍ବ ଜୁନିୟର ଚମ୍ପିଆନସିପ୍ ପାଇଁ ଭାରତୀୟ ବ୍ୟାଡମିଣ୍ଟନ ସଂଘ 23 ସଦସ୍ୟଙ୍କ ଚୟନ କରିଛି।
ଡିଜାଇନ ଫଟୋ
ଜୁନିୟର ବାଳକ ସିଙ୍ଗଲ୍ ବର୍ଗରେ ତାମିଲନାଡୁର ସତୀଶ କୁମାର, ନାଗପୁରର ରୋହନ ଗୁରବାନୀ, ମଣିପୁରର ମେଇରାବା ଲୁଆଙ୍ଗ ଓ ତେଲେଙ୍ଗନାର ପ୍ରଣବ ରାଓ ଗନ୍ଧମ ଭାରତ ପକ୍ଷରୁ ପ୍ରତିନିଧିତ୍ବ କରିବେ । ସେହିପରି ବାଳିକା ସିଙ୍ଗଲ ବର୍ଗରେ ଗୁଜୁରାଟର ତସନୀମ ମୀର, ଉତ୍ତରାଖଣ୍ଡର ଅଦିତି ଭଟ୍ଟ ଓ ଉନ୍ନିତ ବିଷ୍ଟ ଓ କର୍ଣ୍ଣାଟକର ତୃଷା ହେଗଡେ ରହିଛନ୍ତି ।
ଭିଡିଓ ସୌଜନ୍ୟ:ଟ୍ବିଟର@BAI_Media
ଭାରତ ପକ୍ଷରୁ ବାଳକ ଡବଲ୍ସରେ ମନଜିତ୍ ସିଂ-ଡିଙ୍କୁ ସିଂ ସମେତ ୟଶ -ଇମାନ ଏବଂ ନବନୀତ -କାଦର ବିଶ୍ବ ଜୁନିୟର ଚମ୍ପିଆନସିପ୍ରେ ପ୍ରତିନିଧିତ୍ବ କରିବେ। ସେହିପରି ବାଳିକା ଡବଲ୍ସରେ ଆଦିତି-ତନୀଷାଙ୍କ ସମେତ ତ୍ରିଶା- ଭିଏସ୍ ଭର୍ସିନୀ ଏବଂ ସ୍ମୃତି- ସମର୍ଦ୍ଧି ରହିଛନ୍ତି । ମିକ୍ସ ଡବଲ୍ସରେ ତନୀଷା-ଇଶାନ, ଶଙ୍କର-ନଫିସା ସାରା ଓ ରମୟା ସିଭି- ସତୀଶଙ୍କ ଭାରତ ପକ୍ଷରୁ ପ୍ରତିନିଧିତ୍ବ କରିବେ। ତେବେ ଏହି ଜୁନିୟର ଦଳର ଟ୍ରେନିଙ୍ଗ ଶିବିର ବେଙ୍ଗାଲୁରୁରେ ଆଗାମୀ 13 ତାରିଖରୁ 27ସେପ୍ଟେମ୍ବର ଯାଏଁ ଚାଲିବ।