ଚର୍ଚ୍ଚାରେ ସେହନାଜଙ୍କ ପିତା ସନ୍ତୋଖ, ଭାଇରାଲ ହେଲା ଫଟୋ

ଏବେ ସୋସିଆଲ ମିଡିଆ ପୋଷ୍ଟକୁ ନେଇ ଚର୍ଚ୍ଚାରେ ଆସିଛନ୍ତି ସନ୍ତୋଖ ସିଂ । ପଞ୍ଜାବୀ ଅଭିନେତ୍ରୀ ସେହନାଜ ଗିଲଙ୍କ ପିତା ସନ୍ତୋଖ । ନିକଟରେ ଦୁଷ୍କର୍ମ ଅଭିଯୋଗରେ ଫସିଥିଲେ ସେ ।

ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ 13ର ଫେମସ ପ୍ରତିଯୋଗୀ ସେହନାଜ ଗିଲ ପ୍ରାୟତଃ ଚର୍ଚ୍ଚାରେ ରୁହନ୍ତି । ନିକଟରେ ତାଙ୍କ ପିତାଙ୍କ ସନ୍ତୋଖ ସିଂଙ୍କ ଉପରେ ଜଣେ ମହିଳା ଦୁଷ୍କର୍ମ ଅଭିଯୋଗ ଲଗାଇଥିଲେ । ଯାହା ପରେ ପୁରା ଗିଲ ପରିବାର ଚର୍ଚ୍ଚାରେ ଆସିଥିଲେ । ଏହି ମାମଲାକୁ ନିକଟରେ ଖଣ୍ଡନ ମଧ୍ୟ କରିଥିଲେ ସନ୍ତୋଖ । ସନ୍ତୋଖ ସୋସିଆଲ ମିଡିଆରେ ନିଜର କିଛି ଫଟୋ ସେୟାର କରି ଚର୍ଚ୍ଚାରେ ଆସିଛନ୍ତି ।

ଫଟୋ ଦେଖି ଜଣାପଡୁଛି ଯେ ତାଙ୍କୁ ଦୁଷ୍କର୍ମ ମାମଲାରେ କ୍ଲିନ ଚିଟ ମିଳିଯାଇଛି । ଇନଷ୍ଟାଗ୍ରାମରେ ସେ ନିଜର ଫଟୋ ସେୟାର କରିଛନ୍ତି । ଏହାପୂର୍ବରୁ ସେ ନିଜର ଏକ ଫଟୋ ସେୟାର କରିଥିଲେ । ଆଉ କ୍ୟାପସନରେ ଲେଖିଥିଲେ, ‘ଟିକେ ସମୟ ଲାଗିଲା ହେଲେ ପରିଶେଷରେ ସତର ବିଜୟ ହେଲା ।’

ପ୍ରକାଶ ଥାଉକି ତାଙ୍କ ଉପରେ ଦୁଷ୍କର୍ମ ଅଭିଯୋଗ ଆଣିଥିବା ମହିଳା ଜଣକ ନିଜ ଅଭିଯୋଗରେ କହିଥିଲେ ଯେ ସେହନାଜଙ୍କ ପିତା ତାଙ୍କୁ ବନ୍ଧୁକ ଦେଖେଇ ତାଙ୍କ ସହ ଦୁଷ୍କର୍ମ କରିଥିଲେ । ହେଲେ ସେପଟୋ ସନ୍ତୋଖ ଏହାକୁ ଖଣ୍ଡନ କରି କହିଥିଲେ ଯେ ଏହା ସମ୍ପୂର୍ଣ୍ଣ ମିଥ୍ୟା ଅଭିଯୋଗ ବୋଲି ।