ମୁମ୍ବାଇ: ଲକଡାଉନରେ ଡିଡିରେ ଅନେକ ପୁରୁଣା ଧାରାବାହିକକୁ ପୁନଃ ପ୍ରସାରଣ କରାଯାଉଛି । ଦର୍ଶକଙ୍କ ମଧ୍ୟରେ ଏହାକୁ ନେଇ ଉତ୍ସାହିତ । ଏବେ ଡିଡିରେ ‘ରାମାୟଣ’, ‘ମହାଭାରତ’, ‘ଶକ୍ତିମାନ’ ସହ ଅନେକ ଧାରାବାହିକ ଦେଖିବାକୁ ମିଳୁଛି। ହେଲେ ଆଉ କିଛି ଦିନ ପରେ ‘ରାମାୟଣ’ ପ୍ରସାରଣ ବନ୍ଦ ହେବାକୁ ଯାଉଛି । ଏହାଶୁଣି ଆପଣ ଆଶ୍ଚର୍ଯ୍ୟ ହୋଇଗଲେ ନା। ତେବେ ଆସନ୍ତୁ ଜାଣିବା ପୁରା ଖବର...
କଥାଟି ହେଲା ଯେ ‘ରାମାୟଣ’ ଓ ‘ମହାଭାରତ’ର ସଫଳତା ଦେଖି ଡିଡି ଏବେ ‘ଲବ-କୁଶ’ ଧାରାବାହିକ ପୁନଃ ପ୍ରସାରଣ କରିବାକୁ ନିଷ୍ପତ୍ତି ନେଇଛି । 1988ରେ ଡିଡିରେ ଏହି ଧାରାବାହିକକୁ ‘ଉତ୍ତର ରାମାୟଣ’ ଟାଇଟଲରେ ପ୍ରସାରଣ କରାଯାଇଥିଲା । ଯାହାକୁ ରାମାନନ୍ଦ ସାଗର ନିର୍ମାଣ କରିଥିଲେ।