ରବିନାଙ୍କ ସହ ନାଚିଲେ ବାହୁବଳୀ

‘ସାହୋ’ର ପ୍ରମୋଶନ ପାଇଁ ନଚ ବଲିଏ ଓ କପିଲଙ୍କ ଶୋ'ରେ ପହଞ୍ଚିଛନ୍ତି ପ୍ରଭାସ ଓ ଶ୍ରଦ୍ଧା । ଶୋ'ରେ ରବିନାଙ୍କ ସହ ‘ଜୁମ୍ମେ କି ରାତ୍’ର ହୁକ ଷ୍ଟେପ କରୁଥିବାର ନଜର ଆସିଛନ୍ତି ପ୍ରଭାସ ।

ହାଇଦ୍ରାବାଦ: ସୁପରଷ୍ଟାର ପ୍ରଭାସଙ୍କ ଆଗାମୀ ଥ୍ରୀଲର ଫିଲ୍ମ ‘ସାହୋ’ ଖୁବ ଶୀଘ୍ର ପରଦାକୁ ଆସୁଛି । ବାହୁବଲୀର ସଫଳତା ପରେ ଦେଶରେ ପ୍ରଭାସଙ୍କ ଫ୍ୟାନ ଫଲୋଇଂ ବଢିବାରେ ଲାଗିଛି । ହିନ୍ଦୀ ଫ୍ୟାନ୍ସଙ୍କ ପାଇଁ ହିନ୍ଦୀ ରିଆଲିଟି ଶୋ' ନଚ ବଲିଏ-9କୁ ଆସି ଫିଲ୍ମର ପ୍ରମୋଶନ କରିଛନ୍ତି ପ୍ରଭାସ ।

ଫଟୋ ସୌଜନ୍ୟ: ଇନଷ୍ଟାଗ୍ରାମ/prabhasraju_official

ନିକଟରେ ପ୍ରଭାସ ନଚ ବଲିଏ ଓ କପିଲଙ୍କ ଶୋ'ରେ ଫିଲ୍ମର ପ୍ରମୋଶନ ପାଇଁ ପହଞ୍ଚିଥିଲେ । ସୋସିଆଲ ମିଡିଆରେ ପ୍ରଭାସଙ୍କ ଏକ ଫଟୋ ଖୁବ ଭାଇରାଲ ହେଉଛି । ଫଟୋରେ ପ୍ରଭାସ ରବିନା ଟଣ୍ଡନଙ୍କ ସହ ନାଚୁଥିବାର ନଜର ଆସିଛନ୍ତି ।

ନଚ ବଲିଏ ଶୋ'ରେ ପ୍ରଭାସ, ସଲମାନ ଖାନଙ୍କ ଗୀତ ‘ଜୁମ୍ମେ କି ରାତ୍’ର ହୁକ-ଷ୍ଟେପ୍ କରୁଥିବାର ନଜର ଆସିଛନ୍ତି । ପ୍ରଭାସ ରବିନା ଟଣ୍ଡନଙ୍କ ବହୁତ ବଡ ଫ୍ୟାନ ବୋଲି ମଧ୍ୟ କହିଛନ୍ତି । ଫିଲ୍ମ ‘ସାହୋ’ ଦର୍ଶକଙ୍କୁ ଆକ୍ସନ ପ୍ୟାକ ଥ୍ରୀଲରର ଭରପୂର ମଜା ମିଳିବ । ଫିଲ୍ମରେ ଅନେକ ଗ୍ୟାଙ୍ଗଷ୍ଟାରଙ୍କୁ ମଧ୍ୟ ଦେଖିବାକୁ ମିଳିବ ।