କପିଲ ଶୋରେ ଖୁବଶିଘ୍ର ନଜର ଆସିବେ ଋଷି-ଇରଫାନ୍

2020 ଏପ୍ରିଲ ମାସ ବଲିଉଡ ପାଇଁ ଏକ ଅନ୍ଧକାର ଅଧ୍ୟାୟ କହିଲେ କିଛି ଭୁଲ ହେବ ନାହିଁ । 24 ଘଣ୍ଟା ଭିତରେ ଦୁଇ ଦୁଇଟି ସିତାରାଙ୍କୁ ଛଡେଇ ନେଇଛି ଏହି ଅନ୍ଧକାର ।

ହାଇଦ୍ରାବାଦ: 2020 ଏପ୍ରିଲ ମାସ ବଲିଉଡ ପାଇଁ ଏକ ଅନ୍ଧକାର ଅଧ୍ୟାୟ କହିଲେ କିଛି ଭୁଲ ହେବ ନାହିଁ । 24 ଘଣ୍ଟାରେ ଦୁଇ ଦୁଇଟି ସିତାରାଙ୍କୁ ଛଡେଇ ନେଇଛି ଏହି ଅନ୍ଧକାର । ବଲିଉଡ ହରାଇଛି ଦୁଇଟି କିମ୍ବଦନ୍ତୀ । ଗୋଟେପଟେ ଇରଫାନ ଖାନଙ୍କ ମୃତ୍ୟୁରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିବା ବେଳେ ତା’ ପରଦିନ ସକାଳୁ ଋଷି କପୁର ବିଦାୟ ନେଇଥିଲେ । ଯାହା କୌଣସି ଖରାପ ସ୍ବପ୍ନ ପରି ମନେ ହେଉଥିଲା । କାରଣ ଏହି ହୃଦୟବିଦାରକ ଘଟଣାକୁ ସହଜରେ ଗ୍ରହଣ କରିପାରୁନଥିଲେ ଦେଶବାସୀ ।

ଉଭୟଙ୍କ ହସ, ଏକାଠି ବିତାଇଥିବା ମୁହୂର୍ତ୍ତଗୁଡିକ ବର୍ତ୍ତମାନ ଫେରିପାରିବ ନାହିଁ କିନ୍ତୁ ସେମାନଙ୍କର ପୁରୁଣା ସ୍ମୃତି ନିଶ୍ଚିତ ଭାବରେ ସତେଜ ହୋଇପାରିବ । ଶେଷ ଥର ପାଇଁ ନିଜ ପ୍ରିୟ ଷ୍ଟାରଙ୍କୁ ଆପଣ ପୁଣି ଦେଖିପାରିବେ । କାରଣ ଏହି ସପ୍ତାହରେ ଦି କପିଲ ଶର୍ମା ଶୋ ଋଷି କପୁର ଓ ଇରଫାନ୍ ଖାନଙ୍କ ସହ ଥିବା ପୁରୁଣା ଏପିସୋଡକୁ ଦେଖାଇବ । ଆପଣମାନେ ପୁଣି ଦେଖିବାକୁ ପାଇବେ ସେମାନଙ୍କ ମଜା ମସ୍ତି ।

ବର୍ତ୍ତମାନ ସମୟରେ କପିଲ ଶର୍ମା ଶୋ’ର ଏକ ପୁରୁଣା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଇରାଲ ଭିଡିଓରେ ସୁନୀଲ ଗ୍ରୋଭର, ଡ଼ଃ ଗୁଲାଟି ହୋଇ ଋଷି କପୁରଙ୍କ ସହ ଡ୍ୟାନ୍ସ କରୁଥିବାର ଦେଖିବାକୁ ମିଳୁଛି । ଭିଡିଓର ଋଷିଙ୍କ ଆଇକୋନିକ୍ ଗୀତ ‘ଓମ୍ ଶାନ୍ତି ଓମ୍’ରେ ନାଚୁଥିବାର ଦେଖିବାକୁ ମିଳିଛି ।