ମୁମ୍ବାଇ: ସୁନ୍ଦରୀ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜ ଓ ରାପର ବାଦଶାହଙ୍କ ମ୍ୟୁଜିକ ଭିଡିଓ ‘ଗେଣ୍ଡା ଫୁଲ୍’ ବେଶ ଲୋକପ୍ରିୟ ହୋଇଥିଲା । ଏହାକୁ ଦର୍ଶକ ଏତେ ପସନ୍ଦ କରିଥିଲେ ଯେ ୟୁଟ୍ୟୁବରେ ସବୁଠାରୁ ଅଧିକ ଦେଖାଯାଇଥିବା ଭିଡିଓରେ ଏହା ଚତୁର୍ଥ ସ୍ଥାନରେ ଥିଲା । ମୁଖ୍ୟ କଥା ହେଲା ଯେ ଗୀତରେ ଜ୍ୟାକଲିନ ଓ ବାଦଶାହଙ୍କ ମଧ୍ୟରେ ଥିବା କେମେଷ୍ଟ୍ରି ଗୀତକୁ ବେଶ୍ ଲୋକପ୍ରିୟତା କରାଇବାରେ ସାହାଯ୍ୟ କରିଥିଲା । ଇତିମଧ୍ୟରେ ଏହି ଯୋଡିଙ୍କୁ ନେଇ ପୁଣି ନୂଆ ଚର୍ଚ୍ଚା । କାରଣ ଚଳିତ ବର୍ଷ ମଧ୍ୟ ଧମାଲ କରିବାକୁ ଯାଉଛନ୍ତି ଏହି ଯୋଡି ।
ଆଜ୍ଞା ହଁ, ନୂଆ ମ୍ୟୁଜିକ ଭିଡିଓ ‘ପାନି ପାନି’ ନେଇ ଫେରିବେ ଜ୍ୟାକଲିନ ଓ ବାଦଶାହ । ଯାହାର ଫାଷ୍ଟଲୁକ ପୋଷ୍ଟର ନିକଟରେ ଜାରି କରିଦେଇଥିଲେ ମେକର୍ସ । ଯାହାର ଝଲକ ଫ୍ୟାନ୍ସଙ୍କ ସହ ସେୟାର କରିଥିଲେ ଏହି ଦୁଇ ଷ୍ଟାର ।