ଲିକ ହେଲା ‘ସାଏରା ନରସିହ୍ମା ରେଡ୍ଡି’, ଚିନ୍ତାରେ ମେକର୍ସ

ରିଲିଜର ଦୁଇ ଦିନ ମଧ୍ୟରେ ଅନଲାଇନ ଲିକ ହୋଇଛି ବହୁ ଚର୍ଚ୍ଚିତ ଫିଲ୍ମ ‘ସାଏରା ନରସିହ୍ମା ରେଡ୍ଡି’ । ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ତେଲୁଗୁ ସୁପରଷ୍ଟାର ଚିରଞ୍ଜୀବ ଓ ଅମିତାଭ ବଚ୍ଚନ ।

ମୁମ୍ବାଇ: ମେଗା ଷ୍ଟାର ଚିରଞ୍ଜୀବ ଓ ବିଗ ବି ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ ‘ସାଏରା ନରସିହ୍ମା ରେଡ୍ଡି’ ବର୍ତ୍ତମାନ ବକ୍ସ ଅଫିସରେ ଜବରଦସ୍ତ କଲେକ୍ସନ କରିବାରେ ଲାଗିଛି । ଗାନ୍ଧୀ ଜୟନ୍ତିରେ ପାଞ୍ଚୋଟି ଭାଷାରେ ରିଲିଜ ହୋଇଥିଲା ଏହି ଫିଲ୍ମରେ । ଫିଲ୍ମକୁ ପରଦାରେ ଦେଖି ଖୁସି ଅଛନ୍ତି ଦର୍ଶକ । ଇତିମଧ୍ୟରେ ମେକର୍ସଙ୍କୁ ମିଳିଛି ବଡ ଝଟକା । କାରଣ ଫିଲ୍ମ ରିଲିଜ ଦୁଇ ଦିନ ମଧ୍ୟରେ ଅନଲାଇନ ଲିକ ହୋଇଯାଇଛି।

ପପୁଲାର ଅନଲାଇଲ ଲିକ ୱେବସାଇଟରେ ଲିକ ହୋଇଛି ଏହି ଫିଲ୍ମ । ଯାହାକୁ ନେଇ ଚିନ୍ତାରେ ମେକର୍ସ । କାରଣ ମେକର୍ସ ଏହି ୱିକେଣ୍ଡରେ ଫିଲ୍ମର କଲେକ୍ସନ ଭଲ ହେବ ବୋଲି ଆଶା ବାନ୍ଧି ବସିଥିଲେ । ଫିଲ୍ମଟି ଲିକ ହେବା ଦ୍ବାରା ଆସନ୍ତା କଲେକ୍ସନରେ ପ୍ରଭାବ ପକାଇବ । ଯାହାଦ୍ବାରା ଫିଲ୍ମ ନିର୍ଦ୍ଧାରିତ ଆୟ କରିବାରେ ଅସଫଳ ହେବ ।

ପ୍ରକାଶ ଥାଉକି ଏହା ପୂର୍ବରୁ ମଧ୍ୟ ଏହି ୱେବସାଇଟରେ ଅନେକ ବିଗ ବଜେଟ ଫିଲ୍ମ ଲିକ ହୋଇସାରିଛି । ଏହି କ୍ରମରେ ‘ସାହୋ’, ‘କବୀର ସିଂ’, ‘ଇଣ୍ଡିଆଜ ମୋଷ୍ଟ ୱାଣ୍ଟେଡ’, ‘ଭାରତ’, ‘ଦେ ଦେ ପ୍ୟାର ଦେ’, ‘ଷ୍ଟୁଡେଣ୍ଟ ଅଫ ଦ ଇୟର-2’ ସାମିଲ ଅଛନ୍ତି ।