ମୁମ୍ବାଇ:ଫିଲ୍ମମେକର ଏସ.ଏସ ରାଜମୌଲିଙ୍କ ଫିଲ୍ମ RRR(Rise Roar Revolt)ର ସୁଟିଂ ଶେଷ ହୋଇଛି । ମେକର୍ସ ସୁଟିଂ ସେଟରେ ଶେଷ ଦିନର ଭିଡ଼ିଓକୁ ସେୟାର କରିଛନ୍ତି । ଯେଉଁଥିରେ ଆକ୍ଟର ରାମ ଚରଣ ଓ ଜୁନିଅର NTR ନିଜ କାରରେ ଫେରୁଥିବା ଦେଖିବାକୁ ମିଳିଛି । ଏହି ଫିଲ୍ମଟି ଭାରତୀୟ ସ୍ବାଧୀନତା ସଂଗ୍ରାମୀ ଅଲ୍ଲୁରୀ ସୀତାରାମ ରାଜୁ ଓ କୁମାରାମ ଭୀମଙ୍କ ଚରିତ୍ରକୁ ଦର୍ଶାଯାଇଛି ।
ଏହି ଫିକ୍ସନାଲ ଫିଲ୍ମଟି ତେଲୁଗୁ ଭାଷାରେ ରିଲିଜ ହେବ । ଗୁରୁବାର ଟ୍ବିଟର ଆକାଉଣ୍ଟରେ ଫିଲ୍ମର ସୁଟିଂ ଶେଷ ହେବା ନେଇ ମେକର୍ସ ସୂଚନା ଦେଇଛନ୍ତି । ବାଇକ ସଟ୍ ସହିତ ଆରମ୍ଭ ହୋଇଥିବା ଫିଲ୍ମର ସୁଟିଂ ସେହି ବାଇକ ସଟ୍ ସହିତ ଶେଷ ହୋଇଛନ୍ତି ବୋଲି ଟ୍ବିଟରେ ମେକର୍ସ କହିଛନ୍ତି । ୨୦୧୮ ମସିହା ନଭେମ୍ବର ମାସରେ ଫିଲ୍ମର ପ୍ରଥମ ସୁଟିଂ ଆରମ୍ଭ ହୋଇଥିଲା । କୋରୋନା ମହାମାରୀ ପାଇଁ ୨୦୨୦ ମସିହା ମାର୍ଚ୍ଚ ମାସରୁ ସୁଟିଂ ବନ୍ଦ ଥିଲା । କୋରୋନା ସ୍ଥିତି ସ୍ବାଭାବିକ ହେବା ପରେ ସୁଟିଂ ପୁଣି ଆରମ୍ଭ ହୋଇ ଗତକାଲି ଶେଷ ହୋଇଛି ।