ୱାଶିଂଟନ: ବହୁ ପ୍ରତୀକ୍ଷାର ଅନ୍ତ ଘଟାଇ ରିଲିଜ ହେଲା ମାର୍ଭେଲ ସିରିଜର ଆଉ ଏକ ଚଳଚ୍ଚିତ୍ର ଟ୍ରେଲର । ଏହାପୂର୍ବରୁ ଗତ ରବିବାର ଏହି ସୁପରହିରୋ ଆକ୍ସନ ଚଳଚ୍ଚିତ୍ରର ଟ୍ରେଲର ଲିକ୍ ହୋଇଥିଲା । ଯାହଫଳରେ ଫିଲ୍ମ ମେକର୍ସ ଟ୍ରେଲର ରିଲିଜ ତାରିଖ ଘୁଞ୍ଚାଇ ଦେଇଥିଲେ । ମଙ୍ଗଳବାର 'ସ୍ପାଇଡରମ୍ୟାନ: ନୋ ୱେ ହୋମ୍'ର ଟ୍ରେଲର ରିଲିଜ ହୋଇଛି ।
ମାର୍ଭେଲ ଷ୍ଟୁଡିଓର ସୋସିଆଲ ମିଡିଆ ଆକାଉଣ୍ଟରେ ଏହି ଟ୍ରେଲର ରିଲିଜ ହେବାପରେ ଏହାକୁ ଖୁବ ପସନ୍ଦ କରିଛନ୍ତି ସୋସିଆଲ ମିଡିଆ ୟୁଜର । ଟ୍ବିଟରେ ବର୍ତ୍ତମାନ ସୁଦ୍ଧା ଏହାରୁ ୧ ଲକ୍ଷ ୭୦ ହଜାରରୁ ଅଧିକ ରିଟ୍ବିଟ କରାଯାଇ ସାରିଛି ।
ଟ୍ରେଲରରେ ହାଇସ୍କୁଲ ଛାତ୍ର ପିଟର ପାର୍କର ଜୀବନ ଅସ୍ତବ୍ୟସ୍ତ ହୋଇ ପଡ଼ିଥିବା ଦେଖା ଦେଇଛି । ଲୋକେ ସ୍ପାଇଡରମ୍ୟାନଙ୍କୁ ନିଜର ଶତ୍ରୁ ବୋଲି ଭାବିବାରେ ଲାଗିଛି । ସୁପର ଭିଲିଆନ ମିଷ୍ଟେରିଓଙ୍କ ମୃତ୍ୟୁ ଯୋଗୁଁ ସ୍ପାଇଡରମ୍ୟାନଙ୍କୁ ଲୋକେ ଘୃଣା କରିବାରେ ଲାଗିଛନ୍ତି । ଏଥିପାଇଁ ପିଟର ପାର୍କର ବା ସ୍ପାଇଡରମ୍ୟାନ ବନ୍ଧୁ ଓ ପରିବାରବର୍ଗକୁ ମଧ୍ୟ ହଇରାଣ ହେବାକୁ ପଡ଼ିଛି ।