ଲସ୍ ଏଞ୍ଜଲିସ:ଓସ୍କାର ମଞ୍ଚରେ ମାରପିଟ୍ (Oscars 2022 ) । ସର୍ବସମ୍ମୁଖରେ ମଞ୍ଚ ଉପରକୁ ଆସି ହୋଷ୍ଟକୁ ଚାପୁଡା ମାରିଲେ ଅଭିନେତା । ଯହାର ଭିଡିଓ ଏବେ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସିନେମା ଜଗତର ସବୁଠାରୁ ବଡ ପୁରସ୍କାର ଏକାଡେମୀ ଆୱାର୍ଡ ତଥା ଓସ୍କାର ଇଭେଣ୍ଟରେ ଏମିତି କିଛି ଅଘଟଣ ଘଟିଛି । ହଲିଉଡ଼ର ଫେମସ ଅଭିନେତା ୱିଲ୍ ସ୍ମିଥ୍ ଶୋ’ର ହୋଷ୍ଟ କରୁଥିବା ହାସ୍ୟ ଅଭିନେତା କ୍ରିସ୍ ରକଙ୍କୁ ସମସ୍ତଙ୍କ ସାମ୍ନାରେ ମଞ୍ଚ ଉପରେ ମାଡ ମାରିଛନ୍ତି। ଯାହା ଓସ୍କାର ଇତିହାସରେ ପ୍ରଥମ ବୋଲି କୁହାଯାଉଛି।
ସୂଚନା ଅନୁଯାୟୀ, ହୋଷ୍ଟ କ୍ରିସ୍ ରକ୍ (Chris Rock) ସ୍ମିଥଙ୍କ ପତ୍ନୀଙ୍କ କେଶକୁ ନେଇ କମେଣ୍ଟ କରିଥିଲେ। ଏମିତିକି ସେ ସ୍ମିଥଙ୍କ ପତ୍ନୀଙ୍କୁ ନେଇ ଏକ ଜୋକ୍ ମଧ୍ୟ ଶୁଣାଇଥିଲେ। ଯାହାକୁ ନେଇ ରାଗିଯାଇଥିଲେ ସ୍ମିଥ। ତାଙ୍କ ପତ୍ନୀଙ୍କୁ ନେଇ ଏଭଳି ପରିହାସ କରିବା ସ୍ମିଥଙ୍କୁ ପସନ୍ଦ ଆସିନଥିଲା। ପରେ ସ୍ମିଥ ମଞ୍ଚ ଉପରେ ଚଢି ଖୁବ୍ ଜୋରରେ ହୋଷ୍ଟଙ୍କୁ ମାଡ ମାରିଥିଲେ। କେବଳ ସେତିକି ନୁହେଁ ମଞ୍ଚରୁ ତଳକୁ ଓହ୍ଲାଇ ଖୁବ୍ ଜୋର ପାଟି କରି ସ୍ମିଥ ରକ୍ଙ୍କୁ ଗାଳିଗୁଲଜ ମଧ୍ୟ କରିଥିଲେ। ତେବେ ସ୍ମିଥଙ୍କ ଏଭଳି ଚାପୁଡା ମାରିବା କେବଳ ଥଟ୍ଟା ଥିଲା କି ସତ ଘଟଣା ତାହା ଏଯାଏଁ ସ୍ପଷ୍ଟ ହୋଇନି।
ସୂଚନା ମୁତାବିକ, ଫିଲ୍ମ ଜିଆ ଜାନେକୁ ନେଇ ସ୍ମିଥଙ୍କ ପତ୍ନୀ ଜେଡା ପିଙ୍କେଡ ସ୍ମିଥଙ୍କୁ ଥଟ୍ଟା କରିଥିଲେ ରକ । ରକ କହିଥିଲେ ଯେ, ଜେଡାଙ୍କ ମୁଣ୍ଡରେ ଚୁଟି ନଥିବାରୁ ତାଙ୍କୁ ଉକ୍ତ ଫିଲ୍ମରେ କାମ ମିଳିଥିଲା । ଏହି ଫିଲ୍ମରେ ଅଭିନୟ କରିବା ପାଇଁ କେବଳ ଜେଡା ନିଜର ମୁଣ୍ଡର ଚୁଟି କାଟିଥିଲେ । ରକ୍ଙ୍କ ଏପରି ମଜାଳିଆ କମେଣ୍ଟକୁ ସହ୍ୟ କରିପାରିଥିଲେ ସ୍ମିଥ । ସେ ତାଙ୍କ ସିଟରୁ ଉଠିଯାଇ ହୋଷ୍ଟ ରକଙ୍କୁ ଚାପୁଡ଼ା ମାରିଥିଲେ। ସ୍ମିଥଙ୍କ ଏପରି ବ୍ୟବହାର ପରେ କ୍ରିସ୍ ରକ୍ କିଛି ସମୟ ପାଇଁ ଚୁପ୍ ହୋଇଯାଇଥିଲେ। ସ୍ମିଥ ରକ୍ଙ୍କୁ ଚେତାବନୀ ଦେଇ କହିଥିଲେ ‘ଆଉଥରେ ତୁମ ପାଟିରୁ ଯେପରି କେବେ ମୋ ପତ୍ନୀଙ୍କ ନାଁ ମୁଁ ନଶୁଣେ ।’ କ୍ରିସ୍ ମଧ୍ୟ ଉତ୍ତର ଦେଇଥିଲେ କି ଆଉ କେବେ ଏମିତି ଭୁଲ ହେବନି।