ଭୁବନେଶ୍ବର:୩୧ ତମ ରାଜ୍ୟ ଚଳଚ୍ଚିତ୍ର ପୁରସ୍କାର ଓ 8ତମ ଟେଲି ପୁରସ୍କାର ଘୋଷଣା କରାଯାଇଛି । ୨୦୧୯ ବର୍ଷ ପାଇଁ ଘୋଷିତ ହେଲା ରାଜ୍ୟ ଚଳଚ୍ଚିତ୍ର ପୁରସ୍କାର । 'କାଳିଆ କରୁଛି ଲୀଳା' ଫିଲ୍ମକୁ ଶ୍ରେଷ୍ଠ ଟେଲି ଫିଲ୍ମ ପୁରସ୍କାର ମିଳିଥିବା ବେଳେ ଖୁସି ଚଳଚ୍ଚିତ୍ରରେ ଅଭିନୟ କରିଥିବା ସୋରଜ ପରିଡ଼ାଙ୍କୁ ଶ୍ରେଷ୍ଠ ଅଭିନେତା ଓ କାବ୍ୟ କିରଣଙ୍କୁ ଶ୍ରେଷ୍ଠ ଅଭିନେତ୍ରୀ ଭାବେ କରାଯାଇଛି ମନୋନୀତ ।
ସେପଟେ ଶ୍ରେଷ୍ଠ ନିର୍ଦ୍ଦେଶକ ଭାବେ ନୀଳ ମାଧବ ପଣ୍ଡା ପାଇବେ ପୁରସ୍କାର । ଏହାସହିତ ପ୍ରଯୋଜକ ତଥା ନିର୍ଦ୍ଦେଶକ ଘନଶ୍ୟାମ ମହାପାତ୍ରଙ୍କୁ ମିଳିବ ଜୟଦେବ ପୁରସ୍କାର । ଜୟଦେବ ସମ୍ମାନ ପାଇଁ ତାଙ୍କୁ ୨ ଲକ୍ଷ ଟଙ୍କା ସହିତ ମାନପତ୍ର ମିଳିବ ବୋଲି ଜଣାପଡ଼ିଛି । ଶ୍ରେଷ୍ଠ ଗୀତିକାର ଭାବେ ଅରୁଣ ମନ୍ତ୍ରୀଙ୍କୁ ‘ଭିଜେଇ ଦେଇ ଯା ଥରେ’ ପାଇଁ ମିଳିବ ରାଜ୍ୟ ଚଳଚ୍ଚିତ୍ର ପୁରସ୍କାର । ବବି ମିଶ୍ରଙ୍କୁ ବାବୁ ଭାଇଜାନ ପାଇଁ ଶ୍ରେଷ୍ଠ ପାର୍ଶ୍ବ ଅଭିନେତା, ବାପା ତୁମେ ଭାରି ଦୁଷ୍ଟରେ ଅଞ୍ଜନା ଦାଶଙ୍କୁ ଶ୍ରେଷ୍ଠ ପାର୍ଶ୍ବ ଅଭିନେତ୍ରୀ, ଖୁସି ପାଇଁ ଐଶ୍ବର୍ଯ୍ୟା ମିଶ୍ରଙ୍କୁ ଶ୍ରେଷ୍ଠ ଶିଶୁ କଳାକାର ସମ୍ମାନ ମିଳିବ ।