ରଜରେ ଆସୁଛି ‘ତୁ ମୋ ଲଭ ଷ୍ଟୋରୀ 2’

ରଜରେ ଦର୍ଶକ ପୁଣି ପଡିବେ ପ୍ରେମରେ । କାହିଁକି ନାଁ ଏକାଠି ନଜର ଆସୁଛି ସ୍ବରାଜ ଓ ଭୂମିକାଙ୍କ ସୁପରହିଟ ଯୋଡି ।

ହାଇଦ୍ରାବାଦ: ରଜରେ ପ୍ରେମ ନେଇ ଆସୁଛନ୍ତି ଭୂମିକା ଓ ସ୍ବରାଜ । 2017ର ସୁପରହିଟ ଫିଲ୍ମ ‘ତୁ ମୋ ଲଭ ଷ୍ଟୋରୀ’ର ସିକ୍ବେଲ ରିଲିଜ ହେଉଛି ଚଳିତ ରଜରେ । ତରଙ୍ଗ ସିନେ ପ୍ରଡକ୍ସନ ବ୍ୟାନରରେ ନିର୍ଦ୍ଦେଶକ ତାପସ ସରଗରିଆ ପୁଣି ଥରେ ଭୂମିକା ଓ ସ୍ବରାଜଙ୍କୁ ଏକାଠି କରୁଛନ୍ତି ।

ପ୍ରଥମ ସିକ୍ବେଲରେ କଲେଜ ପ୍ରେମ କାହାଣୀକୁ ନେଇ ତିଆରି କରଯାଇଥିଲା । ଫିଲ୍ମରେ ସ୍ବରାଜ ଓ ଭୂମିକାଙ୍କ ଯୋଡିକୁ ଲୋକେ ଖୁବ ପସନ୍ଦ କରିଥିଲେ । ଏହାସହ ଫିଲ୍ମର ସବୁଯାକ ଗୀତ ହିଟ ହୋଇଥିଲା ।

ସେହିପରି ଦ୍ବିତୀୟ ସ୍ବିକେଲରେ ମଧ୍ୟ ଏକ ଅଲଗା ପ୍ରେମ କାହାଣୀ ଦେଖିବାକୁ ମିଳିବ । ତେବେ ଏଥିରେ ଦୁଇ ଦୁଇଟି ଯୋଡି ଦେଖିବାକୁ ମିଳିବ । ସ୍ବରାଜ-ଭୂମିକାଙ୍କ ସହ ଏଭର ହିଟ ଯୋଡି ସିଦ୍ଧାନ୍ତ ଓ ଅନୁ ଚୌଧୁରୀଙ୍କୁ ମଧ୍ୟ ଦେଖିବାକୁ ମିଳିବ । ଫିଲ୍ମରେ ଦମଦାର ପ୍ରେମ କାହାଣୀ ସହ ସସପେନ୍ସ ଥ୍ରୀଲର ମଧ୍ୟ ରହିଛି ।

ତେବେ 2017 ପରି ଏ ରଜରେ ମଧ୍ୟ ଓଡିଶାବାସୀଙ୍କୁ ପୁଣି ପ୍ରେମ ଶିଖେଇବ ‘ତୁ ମୋ ଲଭ ଷ୍ଟୋରୀ-2’। ତେବେ ଫିଲ୍ମଟି ଚଳିତ ବର୍ଷ ଜୁନ 14ରେ ପରଦାକୁ ଆସିବ ।