ବେଙ୍ଗାଲୁରୁ:ବିଭିନ୍ନ ଭାଷାରେ ଅଭିନୟ କରୁଥିବା ରଶ୍ମିକା ମନ୍ଦନାଙ୍କ ଟିକେ ଝଲକ ଦେଖିବା ପାଇଁ 900 କିଲୋମିଟର ଯାତ୍ରା କରିଛନ୍ତି ତାଙ୍କର ଏକ ଦିୱାନା ଫ୍ୟାନ । ଫ୍ୟାନ ଜଣକ ତେଲେଙ୍ଗାନାବାସୀ ହୋଇଥିବାବେଳେ ରଶ୍ମିକାଙ୍କ ବାସସ୍ଥାନ କର୍ଣ୍ଣାଟକର କୋଦାଗୁ ଜିଲ୍ଲାକୁ ଯାତ୍ରା କରିଛନ୍ତି । ପ୍ରଶଂସକ ଜଣକ ଏତେ ବାଟ ଯାତ୍ରା କରିଥିବାରୁ ମନ୍ଦନା ଦୁଃଖ ପ୍ରକାଶ କରିଛନ୍ତି ।
ଏ ସମ୍ପର୍କରେ ଟ୍ବିଟ କରି ମନ୍ଦନା ସୂଚନା ଦେଇଛନ୍ତି । ଏହାସହିତ ତାଙ୍କୁ ଦେଖିବା ପାଇଁ ଏତେ ବାଟ ଯାତ୍ରା କରିବାକୁ ମନା କରିଛନ୍ତି । ନିଜ ଫ୍ୟାନ୍ସଙ୍କୁ ନ ଦେଖା କରିପାରୁଥିବାରୁ ମନ୍ଦନା ଦୁଃଖ ପ୍ରକାଶ କରିବା ସହିତ ସମୟ ଆସିଲେ ଦେଖା କରିବେ ବୋଲି କହିଛନ୍ତି । ମହାମାରୀ ସମୟରେ ସୁରକ୍ଷିତ ରହି ତାଙ୍କୁ ଭଲପାଇବା ଦେବା ପାଇଁ ସେ କହିଛନ୍ତି । ଏଭଳି କଲେ ସେ ଖୁସି ହେବେ ବୋଲି ଟ୍ବିଟ ମାଧ୍ୟମରେ କହିଛନ୍ତି । ମନ୍ଦନା ବର୍ତ୍ତମାନ ମୁମ୍ବାଇରେ ନିଜର ଆଗାମୀ ଚଳଚ୍ଚିତ୍ରକୁ ନେଇ ବ୍ୟସ୍ତ ରହିଛନ୍ତି ।