ହାଇଦ୍ରାବାଦ: ଗାନ୍ଧୀ ଜୟନ୍ତୀରେ ରିଲିଜ ହୋଇଛି ପିରିୟଡ ଫିଲ୍ମ ସାଏରା ନରସିମା ରେଡ୍ଡୀ । ସ୍ବାଧୀନତା ସଂଗ୍ରାମୀ ସାଏରାଙ୍କ କାହାଣୀକୁ ନେଇ ଫିଲ୍ମଟି ତିଆରି ହୋଇଛି । ଲିଡରେ ଅଛନ୍ତି ତେଲୁଗୁ ସୁପରଷ୍ଟାର ଚିରଞ୍ଜିବୀଙ୍କ ସମେତ ଅମିତାଭ, ଜଗପତି ବାବୁ, ରବି କିଷନ, କିଚ୍ଚା ସୁଦୀପ, ତମନ୍ନା, ନୟନତାରା ଓ ବିଜୟ ସେଥୁପତିଙ୍କ ଭଳି ଫିଲ୍ମ ଦୁନିଆର ବିଗ ଷ୍ଟାର । ଫିଲ୍ମଟିକୁ ପ୍ରଥମ ଦିନରୁ ଜବରଦସ୍ତ ରେସପନ୍ସ ମଧ୍ୟ ମିଳିଛି ।
ତେବେ ଫିଲ୍ମ ଯୋଗୁଁ ହରଡଘଣାରେ ପଡିଛନ୍ତି କିଛି ପୋଲିସ କର୍ମଚାରୀ । ଏପରିକି ମହଙ୍ଗା ପଡିଛି ଚିରଞ୍ଜିବୀ ପ୍ରେମ । ଡ୍ୟୁଟିରେ ଥିବାବେଳେ ଫିଲ୍ମ ଦେଖିବା ଫଳରେ ଚାକିରୀରୁ ନିଲମ୍ବିତ ହୋଇଛନ୍ତି ଆନ୍ଧ୍ରପ୍ରଦେଶର କୁର୍ଣ୍ଣୁଲର 7 ଜଣ ସବ-ଇନ୍ସପେକ୍ଟର । ପ୍ରଥମ ଦିନର ପ୍ରଥମ ଶୋ କୁ ନେଇ ଏକ୍ସସାଇଟମେଣ୍ଟ ଥିଲେ ଏହି 7 ଜଣ ପୋଲିସ । ନିଶା ଏପରି ଥିଲା ଯେ ଛୁଟି ନେବାକୁ ଭୁଲି ଯାଇଥିଲେ । ଡ୍ୟୁଟିକୁ ଆସି ଫିଲ୍ମ ଦେଖିବାକୁ ପଳାଇଥିଲେ ।