ରଜ ବଜାରରେ ମାର୍କେଟକୁ ଆସିବ 'ଲଭ 20-20'

ରଜ ବଜାରରେ ଦେଖିବାକୁ ମିଳିବ ଓଡ଼ିଆ ରୋମାଣ୍ଟିକ ଫିଲ୍ମ 'ଲଭ 20-20' । ଯାହାର ଆଜି ମହୁରତ ଭୁବନେଶ୍ବର ସିଆରପିସ୍ଥିତ ହନୁମାନ ମନ୍ଦିରରେ ରଖାଯାଇଥିଲା ।

ଭୁବନେଶ୍ବର: ଆଉ ଦୁଇ ମାସ ପରେ ଓଡ଼ିଶାବାସୀ ପାଳନ କରିବେ ରଜ ଉତ୍ସବ । ରଜ ଉତ୍ସବକୁ ଶାନଦାର କରିବାକୁ ଓଲିଉଡ ଇଣ୍ଡଷ୍ଟ୍ରିରେ ଚାଲିଛି ପ୍ରସ୍ତୁତି । ଅନେକ ନିର୍ଦ୍ଦେଶକ ନିଜ ନିଜ ଆଗାମୀ ଚଳଚ୍ଚିତ୍ରକୁ ରଜରେ ରିଲିଜ କରି ଦର୍ଶକଙ୍କୁ ଭେଟି ଦେବାକୁ ଯାଉଛନ୍ତି ।

ଇତି ମଧ୍ୟରେ ଏକ୍ସସେଲ ମୁଭି ପକ୍ଷରୁ ଲଭ '20-20' ଟାଇଟଲରେ ଏକ ରୋମାଣ୍ଟିକ ଚଳଚ୍ଚିତ୍ର ରିଲିଜ ହେବାକୁ ଯାଉଛି । ଯାହାର ଆଜି ଶୁଭ ମହୁରତ ଭୁବନେଶ୍ବରସ୍ଥିତ ସିଆରପି ଛକ ହନୁମାନ ମନ୍ଦିରରେ ରଖାଯାଇଥିଲା । 'ଲଭ 20-20'ର ସୁଟିଂ ମେ ରେ ଆରମ୍ଭ ହେବ ।

ଚଳଚ୍ଚିତ୍ରର ନିର୍ଦ୍ଦେଶନା ଦାୟିତ୍ବ ତୁଲାଇବେ ଘନଶ୍ୟାମ ବାବୁ । ମୁଖ୍ୟ ଭୂମିକାରେ ଚଳଚ୍ଚିତ୍ରରେ କିଏ ନଜର ଆସିବେ, ତାହା ଏଯାବତ ଘୋଷଣା କରାଯାଇନାହିଁ । କିନ୍ତୁ ଚଳଚ୍ଚିତ୍ରରେ ନୂଆ ଅଭିନେତା ଅଭିନେତ୍ରୀଙ୍କୁ ସୁଯୋଗ ଦିଆଯିବ ବୋଲି ଶୁଣିବାକୁ ମିଳିଛି । ଅନ୍ୟପଟେ ଫିଲ୍ମର ମ୍ୟୁଜିକ ବଦ୍ରୀ କୁମାର ଦାସ ତୁଲାଇବା ବେଳେ ପ୍ରଯୋଜନା କରିବେ ସୁରେଶ କୁମାର ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ